[A:282]ba'i thabs dang / rgya gar gyi skad las bod kyi skad du ming gdags pa'i rnam gzhag bkas bcad de gtan la phab/ dam pa'i chos bsgyur ba'i lugs ni sgra dang mthun la/ don dang yang mi 'gal la/ bod skad las kyang gar bde bar gyis shig dharma bsgyur ba la rgya gar gyi skad go rim las mi nor bar bod kyi skad du bsgyur na don dang tshig tu 'brel zhing / bde na ma bsnor bar sgyur zhig bsnor na bde zhing go ba bskyed pa zhig yod na/ tshiT bcad la ni rtsa ba bzhi pa'am drug pa'ang rung ste/ tshigs su bcad pa gcig gi nang gar bde bar bsnor zhing sgyur cig rkyang pa la ni don gar snyegs pa yan chad kyi tshig dang don gnyis ka la gar bde bar bsnor zhing sgyur cig skad cig la ming du ma 'dren pa ste/ ltag 'og dang bstun la gar snyegs pa bzhin du ming thogs shig /gau ta ma lta bu gau'i sgra las/ tshig dang / phyogs dang / sa dang / 'od dang / rdo rje dang / pa lang dang / mtho res la sogs pa rnam pa du mar snyegs pa dang / go'u shi ka dha bu rtswa ku sha thogs pa dang / mkhas pa dang pad ma la dga' ba la/ 'ug pa dang mdzod ldan la sogs pa sgra'i lugs las drangs shing bsgyur na/ rnam grangs mang po zhig tu snyegs la/ bsgyur ba rnam pa gcig gi nang du ni/ rnam grangs de kun 'du yang mi btul ste/ gcig tu chad par bya gtan tshigs chen po med pa rnams ni mi bsgyur bar/ rgya gar gyi skad so na zhog cig gar yang drang du rung ba'i tshig byung na/ phyogs gcig tu 'chad par mi bsgyur bar/ spyir snyegs su rung bar gyis shig yul dang sems can dang / me tog dang rtsi shing la sogs pa'i ming bsgyur ba mi go zhing tshig mi bde ba dang / 'ol cir bsgyur du rung yang don du de ltar