[A:279]bzang gi ganggA'i chu rgyun/ gtsang nag sbug pa thuT rje seng ge'i bdud rtsi'i chu rgyun/ stag tshang gzhon nu dpal gyi 'od zer brgya pa/ bu ston seng ge 'od kyi sgra don rgya mtsho'i me long / rje byams pa gling pa'i smra ba'i rgyan/ bsam sdings pa kun bzang gi 'bral pa spong ba/ rje btsun zha la u lo chen gyi za ma tog bkod pa/ dpal khang lo tsA ba'i ngag gi sgron ma/ thams cad mkhyen pa klu sgrub rgya mtshos slob ma phan pa la sogs pa mang du yod pa yin no/
gnyis pa ska cog dang rin chen bzang pos srol btong tshul ni/ zha lu lo chen gyis/ /chos rgyal ral pa can gyi dus/ ska cog zhang gsum mkhas mang gis/ /rgyal po'i bkas bskul gsar bcad kyi/ /skad kyis brda sbyar gtan la phab/ /slad nas rin chen bzang po dang / /blo ldan shes rab la sogs pa/ /mkhas mchog rnams kyi de la brten/ /zhes gsungs pa ltar/ sang skabs su lo tsA ba chen po ska cog zhang gsum dang / rin chen bzang po/ /blo ldan shes rab la sogs pa rnams kyis tshul 'di'i srol ches cher btod par mdzad pa yin te/ de yang rgyal po khri ral pa can gyi dus su rgyal blon rnams kyi bka' bskul te/
sngon lha sras yab kyi ring la mkhan po / ye shes dbang po/ zhang rgyal nyen nyi bzang / blon po khri sher sang / lo tsA pa dznyA de wa ko Sha/ lce khyi 'brug bram ze a nanta la sogs pas 'gyur mdzad pa rnams la chos kyi skad bod la ma grags pa mang dag cig byung zhing / rgya dkar nag dang / li dang / za hor la sogs pa yul sna tshogs nas bskur bas yul de dag gi brda si 'dra pa mang pos chos slob dka' bar gzigs nas 'og gi mkhas pa A tsarYa dzi na mi tra dang / su rendra sa nyi dang /