[A:278]dang bshad tshul mtshungs shing / rtags 'jug gi kun bshad kyi brjod don 'brel ba yin no/ /
de ltar bstan bcos dang yi ge de dag rgyal po srong btsan sgam pos kyang slob tshul yun ring du bstan/ thu mis thog mar mdo sde za ma tog bkod pa dang / mdo sde dkon mchog sprin sogs bsgyur/ gzhan yang bod kyi slob dpon dharma ko sha sogs blo gsal mang po la bshad pas/ bstan pa rin po che'i srol legs par tshugs/ rab byung gi gra med kyang rgyal pos spyan ras gzigs kyi chos skor mang du gsungs shing / de dag gi sgom gra legs par btsugs pas/ thar pa bla na med pa'i go 'phang thob pa yang mang du byung ba yin no/ /
de ltar bstan bcos 'di nyid dgongs pa 'grel ba'i bstan bcos phyis su byung ba yang / bdag nyid chen po bsod nams rtse mo'i byis pa bde blag tu 'jug pa/ 'jam dbyangs sa paNDi tas de'i 'grel pa dang / sgra'i bstan bcos mkhas pa'i kha rgyan/ dbus pa blo gsal gyi sum rtags kyi 'grel pa/ sgra pa sangga shrI'i sum cu pa'i 'grel pa/ yar 'brog pa rin chen tog gi rtags 'jug gi 'grel pa/ paN chen shAkya mchog ldan gyi sum rtags kyi don 'grel pa chos la 'jug pa'i sgo/ kun mkhyen gau rab 'byams pa'i rtags kyi 'jug pa'i TI ka/ snyigs dus kyi 'jig rten mtha' dag gi mig zha lu lo tsA ba chen po'i sum rtags kyi 'grel pa/ karma pa'i sum rtags kyi 'grel pa/ don 'grel yi ge'i brda dag ston pa la lo tsA ba blo ldan shes rab kyis nyer mkho bsdus pa/ dbus pa blo gsal gyi phrad kyi gnad bsdus pa'i 'grel chung / snye thang pa grags