[A:280]dhi dang / dA na shI la dang / bod kyi mkhan po ratna rakShi ta dang / dharma shrI la dang / lo tsA ba mkhas par tshud pa ska ba dpal brtsegs/ cog ro klu'i rgyal mtshan/ dznyA na se na ste zhang ye shes sde dang / dza ya rakShi ta dang / manydzu shI warma dang / ra nantra shI la la sogs pas theg pa che chung las byung ba'i chos rgya gar skad las bod kyi skad du bsgyur zhing / ming du btags pa rnams dkar chag tu bris nas nam du yang gzhung lugs de ga las mi bsgyur zhing / kun gyis slob tu rung bar gyis shig ces bka' stsal pa la brten nas/ sngar bsgyur ba rnams skad gsar bcad kyis gtan la phab/ bkas bcad rnam pa gsum mdzad de/ skad dod so so dang bsgyur tshul yig char bkod/ sde pa gzhi thams cad yod par smra ba las gzhan dang / gsang sngags rnams rgyal blo paN dang bcas pa mthun grub na ma gtogs/ lko tu mi bsgyur bar bkas bcad/ tha na bre dang srang zho la sogs pa yang rgya gar dang mthu par bcos/ de thams cad lo paN rYal blon dang bcas pa'i phyag rgyas btab/ dkar chag tu bkod de/ bod 'bangs thams cad la de dag las mi 'da' bar dril bsgrags pa yin no/
ji skad du yang sgra sbyor bam gnyis las/ rta'i lo la btsan po khri lde srong btsan pho brang 'on cang rdo na bzhugs/ stod smad kyi dmag rje dang rkun chen btul/ gar log gi pha nyas phyag btsal/ blon chen zhang khri zur ram shags dang / blon ma rje lha mdo la sogs pas bya las gnang mang bcad de/ rnga rta dang ba mar phal mo che phyag tu phul/ zhang blon man chad so sor bya dga' stsal pa'i lan la/ nyi 'og gi mkhan po