[A:217] mtshan 'jam dbyangs grags pa'i dpal zhes theg chen pas gsol bar mdzad/ bo dong er bla ma kun dga' bzang po lo bdun tsam bsten/ tshad ma sogs la sbyong bshad mdzad/ lo bcu gsum pa la gdan sa chen por grwa skor mdzad/ mkhan chen g.yag pa la phar phyin Tika chen po rtsom pa'i rtsom yig pa mdzad de/ Tika chen brtsams pa dang / yi ger 'bri ba/ thugs la zin pa dang gsum dus mnyam du byung bas/ phar phyin legs par mkhyen/ de'i tshe mkhan chen pa bar skabs ngal gso ba'i ched du gnal cung zad mdzad de/ sad res kyi da len yang kho bos dga' ldan du phyin/ byams pa dang mjal zhes yang yang gsung ba yin zer/ theg chen chos rje'i drung du gsung ngag sogs zab rgyas kyi gdams pa nod/ zhang bla chen kun rgyal/ sa bzang pa gzhon nu blo gros/ bla ma dpal ldan don grub sogs las rgyud man ngag mang du gsan/ phyis byang nas 'jam dbyangs nam mkha' rin chen gyis spyan drangs te/ dpal ldan sa skya'i zab chos mang po sgo phye/ dpal ngam rings kyi chos sde dang / ya ga chos sdings zhes grags pa/ nor bu gling pa'i grwa tshang gi 'dzin skyong yang gnang / yos lor ngam rings su mgon khang bzhengs dus/ lha khang ka gnyis ma la logs bris skya ris ja sbyor gcig gi ngo la gnang / blo bzang dkar mor grags pa'i grub chen blo gros bzang po la/ gsung ngag sa lugs dang / zha lugs sogs gsan pas thugs skyed thon par byung / grub chen des kyang / bde mchog sogs zab rgyas kyi gdams pa zhus/ mtshan gyi 'od gsal chen po las/ rje btsun gong ma lnga'i zhal gzigs te/ rgyal ba'i mdun na rgyal sras sbyin pa dpal// zhes sogs/ sho lo ka lngas bstod