[A:218] cing phyag 'tshal ba/ 'od gsal las bzhengs pa'i tshe yang gsal bar dran/ deng sang ya ga chos ldings na yang rgyun du 'don par mdzad do/ mdor na 'chad rtsod rtsom gsum gyi sgo nas [bstan pa] ches cher gsal bar mdzad de/ nga lam 'bras pa mkhas pa yin/ ni gu ba rgod po yin/ sbyor drug pa nyams myong can zhes gsung ba yin zer ro/ slob ma'i mchog kyang sngags 'char A nan ta pa/ bdag chen dpal ldan chos skyong / sems dpa' gzhon nu rgyal mchog mkhas grub dge legs dpal bzang po la sogs pa mang du byon te/ slar yang lo re lnga pa me pho 'brug (stag) gi lo khrums zla ba'i nyer brgyad la gshegs so/ A nan ta pa chu pho byi lo la rje btsun kun rgyal ba lo bcus bgres brgyad cu rtsa gsum bzhugs/ mkhas pa dge bzang sa mo glang A nan ta pa las lo nyer gsum gyis bgres te re gcig bzhugs/ mnyam med dpal ldan chos skyong lcags pho stag lo pa rje kun rgyal las so brgyad kyis gzhon lo zhe gsum bzhugs 'dug go/
'das lo nas sum stong lnga brgya dang nyi shu 'das pa'i nyer gcig pa sa pho 'brug
spyi lo 1388
9/ mus stod gling skyar mus chen dkon mchog rgyal mtshan byon/ dgung lo dgu pa la/ dbang 'od pas mkhan po mdzad de rab tu byung / bco lnga par gle lung mkhan po kun smon dang / zur chos pa byang seng gnyis la phar phyin spyod 'jug sogs sbyangs/ bco brgyad pa la bshad ston mdzad/ nyi shu pa la nam mkha'i rnal 'byor la gcod khrid gsan/ nyer gcig pa la ngam rings su/ blo gros rgyal mtshan pa dang / sang lo pa'i drung du phar phyin