[A:216] pa sogs mdzad do//
sngags kyi bstan pa spel ba'i slob ma'i grangs kyang / bu ston rin po che dang rje 'di gnyis las lhag pa med pas bgrang bar mi spobs kyang / gtso bo bsdu na/ bstan 'dzin gyi skyes bu chen po bcu ni/ sems dpa' chen po gzhon nu rgyal mchog/ smar khams pa grags pa bzang po/ chos rje gzhon nu seng ge/ byams chen rab 'byams pa sangs rgyas 'phel/ pan chen shAkya mchog ldan/ kun mkhyen go rab 'byams pa bsod nams seng ge/ pan chen 'bum phrag gsum pa/ 'jam dbyangs kun dga' chos bzang / thugs sras kyi gtso bo sems dpa' chen po dkon mchog rgyal mtshan (gcig chad)/
gzhan yang gung ru shes rab bzang po/ nyag bre rgyun sgul ba pan chen grags pa rgyal mtshan/ dpal gyi rgyal mtshan/ kun mkhyen dga' gdong pa/ dmar ston rgyal mtshan 'od zer/ bzod chen phyogs as rnam rgyal sogs so//
bstan 'dzin dam pa kun dga' rgyal mtshan ni/ lo tsA ba zhang ye shes sde sogs byon pa'i rigs rgyud/ dbon po nor 'phel gyi sras su/ dpal ldan sa skya'i mthong smon bla brang du chu pho byi [khyi] lo de nyid la byon/ lo lnga pa la bo dong phyogs las rnam rgyal las dge bsnyen nod/ bcu pa la shar pa ye shes rgyal mtshan la dge tshul nod/ kun dga' rgyal mtshan zhes btags/ nyi shu pa la theg chen chos rjes mkhan po dang / shar yes slob dpon mdzad de bsnyen par rdzogs/ tshad ma rigs gter rtsa 'grel la shin tu byang bas/