[A:215] ba de mngon sum du gyur pas/ mos gus kyis bsam pa tshims te lus nyams mnan gyis mi bzod pa cher skyes/ byi ba dang glang gi lo de nyid du gdan phab/ stag lo chos rje buddha/ sa skya dang sa bzang gnyis su chos 'khor bskor ba'i tshe'ang zhabs pad la btud de/ gsung ngag gi bdud rtsi sogs snying bcud la tshim par rol/ dgung lo zhe brgyad yan la sa skya/ sa bzang sogs gnas nges med du/ gsung ngag sogs zab rgyas kyis dga' ston so sor spel/
de nas gnas kyi brtag pa mdzad pa na/ e wam chos ldan gyi ri khrod de 'od gsal la gsal por shar gang na yod ma nges la/ khyod kyi dgon pa don grub kyis ston pa yod zer ba 'od gsal la shar/ phyis nyag brel don grub zer bas/ gnas de'i yon tan bsngags pas/ dgung lo zhe brgyad pa sa mo bya la e wam chos ldan gyi dgon pa chen po btab/ dpal ldan sa skya pa'i rgyud man ngag dang / rgyud sde bzhi'i bstan pa spyi khyab dang / khyad par bya spyod kyi bstan pa la/ rje 'di kho na bka' drin che ba yin no//
rje 'di nyid kyis dbang khrid gdams pa'i sgo bye ba phrag brgya phye/ gsung ngag rin po che lam 'bras tshar gsum gyis lhag pa'i bcu phrag brgyad gnang / bsnyen par rdzogs pa khri ral pa can gyis mkhan po mdzad/ dge 'dun gyi sde gsar btsugs kyang / glo bor dge 'dun stong phrag 'du ba'i chos sde/ chu 'dus su lnga brgya 'du ba/ steng khyebs su nyis brgya 'du ba/ gu ger brgya phrag sogs dang / e wam chos ldan du gsung ngag pa stong phrag 'du ba sogs su bshad sgrub kyi bstan pa dar rgyas mdzad/
mthar don lnga pa byi lo sa zla'i nyer lnga la gshegs/ zla ba tshes 'phral rje mus chen gyis gsung ngag btsugs/ phyi nang gi rten bzhengs