[A:214] sa skya sgo rum gyi rje btsun gong ma'i gsung rab la lo gsum gyi bar du gzigs rtog nan tan du mdzad pas/ chos spyi dang khyad par dpal dan sa skya pa'i zab don gyi gnad la phyin ci ma log pa'i go ba phul byung bsnyes/ chos rje dpal ldan tshul khrims pa la kye rdor man ngag lugs kyi bka' gsan pas/ dpal ldan sa skya pa'i bstan pa'i 'jug sgo thog ma yin zhes mi 'phrog pai dad pa thong / dgung lo nyer lnga pa'i tshe shar chen pa zhi bar gshegs te/ gsung ngag rin po che'i bdud rtsi sngar ma gsol bas/ thugs kyi 'dun pa cher g.yos te/ shangs chos khor sgang du lo chen skyabs mchog drung du lhags pa na/ mdo rgyud zab rgyas kyi chos mang dag dang snang gsum gyi khrid rim tsam las thugs kyi re ba ma rdzogs pa na/ dus de'i tshe mtshan gyi 'od gsal chen po'i ngang las/ bla ma kun dga' bzang po lam 'bras zhu na 'di na yar byon zer ba gcig byung bas de na phar byon pas/ ri 'bor gcig na/ dang ra sgo byang bstan rtsig pa khrol le ba gcig gi nang / khang pa sgo shar bstan gcig gi skas la 'dzegs byon pas/ skas mgo nas dge bshes sha rtsi smug po byas pa gcig gis spos sna byas byon pas/ tshoms kha lhor bstan gcig na bla ma sku bgres se ba ber thul mnab pa gcig dang mjal te zag med kyi dga' ba chen po myong ba gcig byung / phyis dpal ldan sa skyar byon/ gsung ngag gi rtsad bcad pas chos rje dpal ldan tshul khrims dpal la gsung ngag yongs rdzogs kyi slob ma'i gtso bo gsum gyi shar chen pa ni zhi bar gshegs/ mi nyag rin rdor ni mdo khams la bzhud/ grub chen buddha nyid 'os su gzigs te/ dgung lo nyer bdun pa sa pho byi lo zhig dgon du byon pas/ 'od gsal du ji ltar shar