[A:207]gnyis kyi rnam gzhag phra zhing zhib pa'i blo gros kyi sgo phye ste/ dge ba'i bshes gnyen bsod nams skyabs dang / mkhas grub dge legs dpal sogs rigs pas pham par byas so/ zhes grags so//
des na byang mdog gi pho brang du ta'i si tu rnam rgyal grags pas mthun pa'i rkyen sbyar te kun mkhyen rong ston chen po slob bu'i tshogs dang bcas pa la 'bel ba'i gtam chen po gleng / gsang sngags kyi dkyil 'khor chen po khri phrag gcig gi zhal phye bar zhal gyis 'ches shing / 'jam dbyangs kyi dkyil 'khor drug cu'i rnam grangs legs par bgrangs shing / 'phags yul du byon pa'i thal rang gi skyes chen 'dren res bgyis pa na/ rong ston chen pos legs ldan 'byed/ dpal sbas/ ye shes snying po/ zhi 'tsho/ ka ma la shI lakA la ma shi la te lnga las bgrang ma bzod pa la/ pan chen nyid kyis nyi shu rtsa lnga tsam zhig thal byung du bgrangs pa sogs kyi sgo nas pha rol zin gyis mnan to zhes grags so//
gnyis pa rtsom pa ni/ yi dam gyi lha dpal rdo rje sems dpa' dang / rdo rje phag mo la sogs pas mngon sum du gnang ba stsal zhing / dpal de nyid 'dus pa la rtsoms shig ces gnang ba nod pa dang / mtshan gyi 'od gsal chen po las/ dpal sa skya pa chen po grags pa rgyal mtshan dang / bu ston thams cad mkhyen pa dang / shong ston rdo rje rgyal mtshan la sogs pas kyang de ltar gnang ba stsal ba la brten/ de nyid bsdus pa'i rgya mtsho/ 'jug pa'i sgo bzhi/ le'u nyi khri chig stong / man ngag bdun khri nyis stong / chos kyi tshogs brgyad khri bzhi stong yod pas rgyas pa la glegs bam brgya dang bcu/ 'bring po la nyi shu/ bsdus pa la glegs bam gnyis/ shin tu bsdudas pa'i snying po la glegs