[A:206] pa'i rkyen sbyar te/ g.yag phrug sangs rgyas dpal dang rtsod pa'i tshe/ bka' bstan bcos kyi gzhung phal che ba/ rgol phyi rgol gnyis char gyi mgrin pa nas thogs med du sgrogs shing / phas kyi rgol ba g.yag phrug sangs rgyas dpal dang chen po'i spobs pa sgrub pa la/ rgol ba de nyid kyi yi dam lha rje btsun mi g.yo ba mngon sum du byon pa pan chen nyid kyis kyang zhal gzigs/ de'i tshe lha gcig ma ngo log/ sod cig ma mgo ma thon/ gdong gang bo rtsod pa pham zhes grags so zhes zer mod/ don du na rje btsun mi g.yo ba mngon sum du byon pa na/ rgol ba gnyis char gyi ngo mtshar rmad du byung ba'i rnam thar yin zhing / rtsod pa'i ngag la yang / rang rang gi gdul bya'i snang ngor pham rgyal gyi snang ngo tsam las/ phas rgol gyi rgol ba nyid gshis la pham par rigs pa ga la yin te/ dper na de'i tshe mkhan chen g.yag pas sems can sangs rgya nges yin/ rgyas pa mi srid ces khas blangs pa la/ pan chen pas sa bon las myu gu skye/ skyes pa mi srid par thal/ dam bca' de yin pa'i phyir zhes pa la sogs pa la lan ma byung zhes sgrogs mod/ yang dag par na de gnyis mtshungs pa'i go skabs ga la yod de/ sems can sangs rgyas pa med par khas blangs kyi sems can las sangs rgyas byung ba med par khas ma blangs pa'i phyir ro/ sa bon myu gur song ba med par khas len gyi sa bon las myu gu skye ba med par khas blangs mi dgos pa'i phyir ro/
de nas byang ngam rings su bdag chen 'jam dbyangs nam mkha' rin chen pas mthun pa'i rkyen sbyar te dpal ngam rings kyi bshes gnyen dag la 'bel ba'i gtam gyi sgo phye/ don dam don byed nus pa gang // zhes pa'i gzhung la grub mtha' rnam bzhi'i bden