[A:208]bam gcig yod pa'i rtsom chen po mdzad de/ rgyal ba'i bstan pa gsal bar mdzad do//
gsum pa 'chad pas blo gsal gyi bu slob spel ba'i tshul ni/ bzo rig nas bzung yongs su rdzogs pa'i bar// de dang de yi bka' babs nyi shu gsum// 'jam pa'i rdo rje mi yi zlos gar mkhan// rnam dag 'khon gyi gdung rgyud rnam pa gsum// rig sngags 'chang ba'i khyu mchog chen po gcig// nyi ma zla ba ltar grags mkhas grub gnyis// 'jig rten gsum gyi mig gcig lo chen gsum// phyogs las rnam par rgyal ba'i bshes gnyen drug// mdo sngags yongs rdzogs mkhas pa bcu gsum dang // pan chen shAkya shrI'i gdan sa gnyis// 'dus pa rgya mtsho'i gtsug rgyan bcu drug dang // mtshan nyid rab 'byams smra ba'i bshes gnyen gsum// sngags gzhung rab 'byams smra ba'i bshes gnyen gsum// grub pa'i rgyal mtshan 'dzin pa'i rnal 'byor bzhi// drag po'i brtul zhugs rdzogs pa'i sngags 'chang gnyis// dka' bcu legs par smra ba stong phrag gcig// dka' bzhi kun tu smra ba stong phrag zung // phar tshad shes pa'i slob ma khri phrag brgal// tshe 'di blos btang grub chen lnga bcur ldan// lhag par rgyal ba thams cad bskyed pa'i yum// rdo rje phag mo gsang ba'i mdzod 'dzin ma// sa la dge slong ma yis rab grags pa// sprul pa'i gar gyis gsang ba 'dzin par mdzad//
ces pa ltar/ bka' babs nyi shu rtsa gsum ni/ bzo rig gi bka' babs mnga' ris pa bstan 'dzin rgyal mtshan/ gso rig gi bka' babs byang pa rnam rgyal grags bzang / snyan ngag gi bka' babs ngam rings