[A:202] rab tu byung zhing bsnyen par rdzogs/ rnam nges kyi ti ka brtsams shing 'chad pa'i 'khur bzung / mdor na lo nyer gnyis nas gya gsum gyi bar la mkhas pa'i bya ba gsum gyis dus 'da' ba kho na byung zhing nyer bdun pa sa mo bya'i lo la/ mkhan chen g.yag pa dang mjal te sa lugs kyi mdo'i bshad srol dang / theg chen chos rje la gsung ngag sogs sngags kyi zab don blangs nas sa rngog rnam gnyis kyi bshad srol rgyun bsrings te/ cha pa chos seng dang / bcom ldan rig ral dang / kun mkhyen 'di gsum las 'chad pa'i rgyun dang / dngos slob bstan 'dzin gyi thon che ba ma byung zhes grags/
gtsang phyogs la yang lan gsum byon pa'i dang po lo nyer bdun pa'i tshe/ mkhan chen pa'i zhabs 'bring mdzad de mdo'i zab don gsan pa dang legs bshad kyi skyes 'bul ba kho na mdzad/ gnyis pa rang lo zhe brgyad pa la mkhan chen pa gshegs te/ lnga bcu tsam gyi tshe ding ri dang mus sogs su sngags kyi zab don bzhes pa dang / mdo phyogs kyi 'phrin las spel ba kho na mdzad/ lan gsum pa drug cu rtsa gcig pa'i tshe/ sde dpon so so'i bsod nams kyi mgron dang / mdo sngags kyi chos 'khor bskor ba kho na mdzad/ bdun cu pa me pho 'brug la nA landre'i chos grwa btab nas lo bcu bzhir gzhan don mdzad cing / dbus gtsang du gra skor mdzad pa'i po ti bcu kho na yin yang / gzhan la 'doms pa'i gzhung lugs drug cu rtsa bzhi dang / rnam bshad mdzad pa'i gzhung lugs bzhi bcu yod gsungs/ gzhan yar lung pa seng ge rgyal mtshan/ lo chen skyabs mchog/ lo chen grags pa/ kun mkhyen sher 'od/ lo chen skyabs mchog/ lo chen grags pa/ kun mkhyen sher 'od/ snyan ngag pa 'jam dbyangs kha che/ mus nam mkha'i rnal 'byor sogs