[A:203] la zab don mang du blangs/ dam pa sangs rgyas kyi sku lus la kA ma la shi la'i thugs grong 'jug mdzad pa de'i sku'i skye bar gdon mi za bas/ dam pa'i zhi byed/ kA ma la shi la'i sgom rim sogs ched du gsal bar mdzad cing / khyad par phar phyin gyi bstan pa dang / dbu ma rang rgyud pa'i bstan pa la kun mkhyen 'di bka' drin che ba yin no/
legs bshad 'doms pa'i 'bras bu mkhas grub slob ma'i grangs ni/ snga tshar gyi bu chen bstan pa 'debs pa'i ka chen bzhi/ bar tshar gyi bu chen gangs can mdzes pa'i rgyan brgyad dang mchog gnyis/ sku gsung thugs kyi mdzad spyod mtshungs pa'i bu chen gsum/ phyi tshar gyi bu chen bstan pa'i gsal byed bcu drug/ yang tshar gyi bu chen grags pa can bzhi la sogs pa'o/
dang po ni/ sems dpa' gzhon nu rgyal mtshan/ sems dpa' chen po padma bzang po/ gzad pa blo gros rgya mtsho/ spyan snga tshul khrims dar ma'o/
bar tshar brgyad ni/ smar khams pa grags pa bzang po/ dge ba rgyal mtshan/ gung ru rgyal mtshan bzang po/ rong chung shes rab dpal te khams pa bzhi/ chos lung bka' bcu pa/ sga sdong pa (dga' gdong) pa chos rgyal dpal bzang / mkhas dbang ratna shrI bha dra/ snar thang pa shes rab seng ge/ bzang ldan bka' bcu pa ste gtsang pa bzhi'o/ (gcig lhag)
mchog gnyis ni/ dbus pa dmar ston rgya mtsho rin chen dang / gtsang pa sems dpa' chen po dkon mchog rgyal mtshan gnyis so/
mdzad spyod mtshungs pa gsum ni/ mdo khams dpal ldan thod se/ sgoms sde khra hral/ sa skya nas gzhon nu seng ge dang gsum mo/