[A:201]
slob ma'i mchog ni/ rgyal tshab rje/ mkhas grub rje/ thams cad mkhyen pa dge 'dun grub/ 'dul 'dzin grags rgyal/ 'dul 'dzin blo gros sbas pa ste 'dul 'dzin rnam gnyis la sogs pa bsam gyis mi khyab bo/
des na da lta'i shing byi 'di/ theg chen pa byon pa'i sa mo glang nas nyis brgya dang bcu drug pa/ shar tsong kha pa byon pa'i me bya nas nyis brgya dang brgyad du slebs pa yin no/
sa bcad lnga pa sum stong lnga brgya pa'i skabs su byon pa ni/ rong ston smra ba'i seng ge/ bo dong phyogs las rnam rgyal/ sa skya pa'i btsan 'dzin kun dga' rnam gnyis/ karma de bzhin gshegs pa la sogs pa ste/ sum stong bzhi brgya dang go dgu 'das pa'i lnga brgya'i steng du sleb tsam gyi me mo lug
spyi lo 1367
la rong ston shAkya rgyal mtshan shar rgya mo rong du byon/ shar tsong kha pa las lo bcus gzhon/ lo bco brgyad yan chad du bon la 'chad rtsod rtsom gsum gnang / bco brgyad pa la gsang phu ne'u thog gi chos grwar gling stod pa rin chen rnam rgyal dang / kong ston blo gros dbang phyug gi drung du rngog lo nas brgyud pa'i phar tshad bsdus gsum dang / dbu ma rang brgyud pa'i bshad srol/ skyor mo lung gi mkhan chen dka' bzhi pa dang / 'phan yul gro pa'i mkhas pa dmar ston la 'dul ba smad lugs bya 'dul dang thog ma dka' chen gyi bshad srol/ mngon pa mdzod mchims lugs kyi bshad srol/ thang zag pa sprul sku gzhon nu rgyal mtshan la dbu ma thal 'gyur ba tshab kyi bshad srol/ lo pa shAkya rin chen gyi drung du mngon pa gong ma sogs la sbyangs/ lo nyer gnyis pa la/ gro pa'i mkhan po kun dga' rgyal mtshan dang dmar ston pa'i drung du