[A:145]sgrogs/ bco lnga man chad la/ rje btsun chen po'i drung du/ sa skya gong ma'i gsung gi bcud mdo sngags kyi zab gnad yongs su rdzogs/ bcu dgu pa la ku mud bzhad pa'i dus kyi 'od gsal chen po'i ngang las/ a phyi 'bum pa'i drung du mkhas mchog dbyig gnyen la chos mngon pa mdzod dang / kha che pan chen la de nyid kyi chos zab mo rdo rje'i glu las legs par nod/ rgya gar shar phyogs su phyogs kyi glang po'i gdan seng ge'i khri la 'khod de/ glegs bam gzhal du med pa'i lde mig bzung / pad dkar bzhad pa'i dus kyi mdangs rab tu rgyas pa'i tshe/ 'phrang du zhu ston rdo rje skyabs la byams chos sogs lung gi chos skor/ nyi shu pa la rkyang 'dur du/ rma bya byang brtson dang gtsang nag pa'i slob ma mtshur ston gzhon seng la bod bgres po nas brgyud pa'i tshad ma'i chos skor/ gzhan yang cha pa'i seng chen brgyad kyi rtsegs pa dbang phyug seng ge la bod la grags pa'i grub mtha' bzhi'i chos ji snyed pa/ spyi bo lhas pa byang chub 'od la/ bod la grags pa'i zhi byed rdzogs chen gcod bka' gdams la sogs pa'i gdams ngag ji snyed pa khong du chud/ nyer gsum pa shing pho byi lor gtsang chu mig tu kha che pan chen dang mjal/ pan chen de nyid dang de'i slob bu rgya gar shar nub gung gsum na sgra la mkhas par grags pa'i sam ga shrI ste dge 'dun dpal dang / su ga tA shrI ste legs par gshegs pa'i dpal dang / dA na shI la ste tshul khrims sbyin sogs snga phyir bsten te/ bod rgan po'i 'dres kyis ma bslad pa'i lha rgyan gyi bshad srol las byon pa'i tshad ma la sogs pa'i rig gnas che ba lnga/ snyan ngag/ sdeb sbyor/ mngon brjod/ zlos gar/ rtsis te rig gnas chung ba lnga ste/ rig gnas bcus bsdus pa'i