[A:144] 'di nyid sa chen gyi dngos slob du 'dod/
'ga' zhig/ sa chen gyi dngos slob rgyal tsha ta la phug pa yin la/ de dang ma gcig ri ma'i dngos slob gces sgom rdzong pa yin zer/
'ga' zhig 'di 'khrungs yul khams pa yin la/ nyi gzhug brag tu lta ba nam mkha' dang mnyam pa'i don skyong ba'i mkha' skyong brag pa dang / rtag nag ga ga'i rdzong la sgom pas gces sgom rdzong par yang grags zer/
bdag gi bla ma ni/ gces sgom 'di la rta nag gces sgom dang / kha rag gces sgom sogs yod pa'i/ man ngag rin spungs gsung ba po ni rta nag gces sgom yin gsung ngo/
gang ltar na'ang khro los/ rje mi tra/ pan chen buddha shrI/ shAkya shrI gsum rim pas spyan drangs/ byams chen bzhengs pa sogs bstan pa'i bya ba mtha' yas pa mdzad do/ 'di dang rje sa pan rtsod pa mdzad pa'i rtsod yig kyang yod do/
sum stong sum brgya dang bcu bzhi song ba'i bco lnga pa chu pho stag
spyi lo 1182
la gangs can mkhas pa'i gtsug rgyan sa skya panDi ta byon/ chu stag de nas sum brgya dang dgu bcu rtsa gsum lon pa'i lo ni da lta'i shing byi 'di yin la/ des na phyi dar sa mo bya nas nyis brgya dang so gsum song zin pa'i so bzhi'am/ rngog lo tsA ba byon pa'i me mo bya nas brgya dang nyer lnga 'das pa'i nyer drug pa'am/ sa chen kun snying byon pa'i sa pho sprel lo nas dgu bcu 'das pa'i go gcig pa chu pho stag la sa panDi ta bstan pa'i nyi ma shar ba yin no/
pan chen 'di nyid btsas ma thag tu samaskri ta'i gsung dbyangs snyan par