[A:146] zab chos thams cad/ chos sgo skyel du byon pa'i sgo nas legs par nod de sa panDi ta zhes snyan par grags/
pan chen dbus nas 'khor rjes de nyid kyis nyi shu rtsa bdun bzhes pa'i sa pho 'brug gi lo lo ston rdo rje dbang phyug gis bzhengs pa'i nyang smad rgyan gong gi gtsug lag khang du/ kha che pan chen gyis mkhan po/ spyi bo lhas pa byang chub 'od kyis las slob/ don mo ri pas gsang ston bgyis te bsnyen par rdzogs/
sa pan 'di nyid sku bltams pa'i lor rje btsun rtse mo 'ja' lus su gshegs pas zhal gyi bdud rtsi dngos su ma thob kyang / rang lo so lnga pa'i bar du grags pa'i 'chi med bdud rtsi ngoms par gsol/ khyad par lam bzab mo bla ma'i rnal 'byor gyi sgo nas phyi nang gi rten 'brel gyi gnad rang sar 'grig ste sa dang po'i yon tan mchog tu bsnyes/ nyid kyi so gsum pa la kha che pan chen slar kha cher bzhud/ so lnga pa la rje btsun chen po bde ba can du gshegs/ rje sa pan so lnga pa'i tshe grags pa gshegs dus bstan rtsis mdzad pa na so lnga pa me khyi yan la sum stong sum brgya dang lnga bcu song bas slan chad kyang de bzhin rtsi bar bya'o/ zhes 'di pa ltar gyi rtsis khrul med pa 'di yin no/ so brgyad pa tsam gyi tshe/ rgya bod kyi ngag rtog gi brag ri 'joms par byed pa'i tshad ma'i bstan bcos rigs pa'i gter zhes grags pa de brtsams/ lnga bcu rtsa gcig tsam gyi tshe legs bshad kyi sbrang rtsi spel ba'i dga' ston/ bstan pa'i pad tshal rgyas par byed pa'i sdom gsum rab dbye'i nyin byed kyang shar/ lnga bcu rtsa dgu pa'i tshe 'phags pa wa ti'i dri'i gtsang khang dang 'dabs 'byor ba'i dpal