[A:137]
de yang phag gru pas lo bco brgyad pa la dbus su byon// rgya dmar la dbu tshad gsan te nyer lnga pa la// zul phur bya 'dul gyis mkhan po/ stod lung rgya dmar gyis slob dpon/ ar gyis gsang ston mdzad de bsnyen par rdzogs shing mdo la sbyangs/ de nas gtsang du byon/ las stod dkon mchog mkhar gyi sras gsum gyi ya gcig yin/ sras dgra pa nyin phug pa chos grags stag sde seng ge lung du chu mo bya la 'khrungs/ sa chen las lo gnyis kyis gzhon/ de nas phag gru pas dpal ldan sa skyar phebs/ sa chen la snga phyir lo bcu gsum du bsten/ gzhung bshad bshad mdzod mar grags pa de zin thor sdebs/ khong gi slob ma pradznyA kirtis de la 'grel bshad kyang mdzad da lta yang lung rgyun bzhugs/ byang sems zla rgyal la sems bskyed dang / dmar chos rgyal la bde mchog sogs gsan/ phyis dwags po rin po che'i zhabs pad bsten/ dgung lo zhe dgu pa la phag grur phebs/ 'jag spyil rin po cher lo bdun bzhugs/ grwa pa brgyad brgya la gdugs thogs lnga brgya byung zer/ re gcig pa lcags pho stag zla ba bdun pa'i nyer lnga la gshegs so/
de la slob ma'i mchog/ mos gus mthar thug stag lung pa bkra shis 'bar/ rtogs pa'i mthar thug sna bu pa gling ras/ shes rab mthar thug pa par bu ba/ nus pa mthar thug pa mtshan bu ba ste bka' babs bu chen bzhi/ par bu ba 'di cha pa'i slob ma shes rab can bzhi'i/ par bu bar grags pa de yin/
skal ldan ye shes seng ge/ rtogs ldan mi nyag sgom rin/ grub thob