[A:138]nyang re se bo/ kun ldan gtsang pa ras chung bzhi la gdams pa'i bu bzhi zer/
'bri khung skyu ra rin chen dpal/ chos rje lta bum pa/ chos rje rgyal tsha/ ban dha phug pa bzhi la ro gcig rtogs pa phyed dang bzhi zer te/ bandha phug pa jo mo yod pas phyed zer ro/ de sogs mang du yod kyang gtso bo bsdus na/ gling ras 'bri stag gnyis/ khro phu ba kun ldan/ gtsang pa ras chung dang bzhir 'dus so/
dus gsum mkhyen pa'am dbu se ni/ bcu drug lon pa'i tshe/ rngog lo'i slob ma bre bo mchog gi bla ma dang / chag seng ge grags las rab tu byung / mtshan dpal chos kyi grags pa zer/ lo nyi shu pa la dbus stod lung se thang du byon/ rgya dmar dang cha pa las dbu tshad/ sha ra ba las bka' gdams/ pa tshab las rigs tshogs/ sa skya pa'i thugs sras gshen rdor bzang las lam 'bras/ sga lo dang a seng la sbyor drug sogs gsan/ mal 'dul 'dzin la bsnyen par rdzogs/ lo gsum pa la dwags po'i sras su gyur/ lo brgyad cu rtsa bzhi pa la gshegs so/
de'i slob ma ni/ brgyud 'dzin gyi bka' babs 'gro mgon ras chen/ 'gro don gyi bka' babs grwa pa bka' gdams pa/ rtogs pa'i bka' babs dbra sgom pa chos brtson/ rdzu 'phrul bka' babs te chung sangs rgyas dang bzhi'o/
sum stong nyis brgya dang nga lnga 'das pa'i nga drug pa chu mo yos
spyi lo 1123
la skye med zhang brtson 'grus grags pa byon/ dwags po sgom tshul dang / sga lo sogs bsten/ tshal dang gung thang sogs btab/ don