[A:136]
sum stong nyis brgya dang bcu gcig 'das pa'i bcu gnyis pa sa mo lug
spyi lo 1079
la bka' brgyud dwags po bltams/ rang lo nyer drug pa la mar yul blo ldan la bsnyen par rdzogs/ thog mar rnal 'byor pa chen po'i slob bu mang ra brtson 'grus 'bar sogs las bka' gdams gsan/ rang lo so gnyis lon pa'i tshe/ rje mi la lo don gcig bzhes pa'i skabs su mjal te bka' brgyud kyi zab chos gsan/ bka' phyag chu bo gnyis 'dres kyi gdams pa nyams su blangs/ khyad par du dwags po bka' brgyud ces snyan pas phyogs kun tu khyab pa lags so/ 'di nyid don lnga pa bya lo sgrog gi tshes bco lnga'i snga dro gshegs so/
de la slob bu'i tshogs ni/ dwags po sgom tshul/ phag mo gru pa/ grub thob dbu se/ dha ('ba') rom ras pa ste rgyud 'dzin gyi bu chen bzhi/
dwags po sgom chung / rmog chog (lcog) pa/ gsol (gsal) stong sgom shor (she)/ bla ma 'ol ka ba ste/ thugs sras bzhi/
dwags po 'dul 'dzin la sogs pa nye sras bzhi sogs mang du byon yang rgyud 'dzin gyi gtso bo phag gru pa nyid lags so/
dwags po 'di sa chen las lo bcu gsum gyis bgres so/
dwags po'i slob ma phag mo gru pa/ dbu se'am dus gsum mkhyen pa/ gsal stong sgom she gsum la khams pa mi gsum zhes grags te/ sum stong nyis brgya dang zhe gnyis 'das pa'i zhe gsum pa lcags pho stag spyi lo 1110
la phag gru pa dang dus gsum mkhyen pa gnyis bltams/ 'di nyid sa chen las lo bco brgyad kyis gzhon/