[A:122] mdzad de/ phur pa 'phel gyi mchod gnas/ yol mched gsum la phul/ yol gyis slob ma 'bre chen la gnang / 'bre chen po'i thugs sras dkon mchog mkhar la gnang ste/ de phyin chad/ las stod pa'i dbon rgyud kyis bdag mdzad pa'o/
che ba gnyis pa/ sngags 'chang grub thob chen po'i lung bstan gyi che ba ni/ rgya 'jam dpal gsang ba sku 'das khar/ bu slob rnams kyis ma 'ongs pa na gnas snying 'di ji ltar 'gyur zhus pas/ gos kha gang khyer shog gsungs/ de la khong gis zhabs rjes gnyis bzhag/ zhabs rjes kyi mtha' la khong rang gi lo grangs bla ma'i sku 'dra gdugs yod pa so gnyis/ padma yod pa nyer brgyad/ gdugs dang padma med pa nyer brgyad de brgyad cu rtsa brgyad byon/ ma 'ongs pa na gnas 'dir spyan ras gzigs kyi sprul pa brgyad cu rtsa brgyad byon nas bstan 'gro'i don byed ces lung bstan pa'o/
che ba gsum pa pan chen di pam ka ra'i lung bstan rab gnas kyi che ba ni/ jo bo mnga' ris nas nyan tshor phebs pa'i tshe/ yol sku mched gsum gyis mjal/ rab tu dad pa thob/ jo bos yol/ sba btsun la gtad de rab tu byung / gzhan dag la ma gnang ba'i rta mgrin shwa na ma/ thugs rje chen po'i phyi nang gsang gsum sgrub skor rnams gnang / da nyang chu'i brgyud la zhugs te gsang ngo/ sa padma 'dab brgyad 'dra ba/ gnam 'khor lo rtsibs brgyad 'dra bar gnas thob ces lung bstan/ yol mched kyis kyang gnas snying du byon/ a mes jo sras phur pa 'phel la bsam gtan sgom pa'i gnas shig zhus pas/ ri gdong pha gi yol tsam na sa phug gcig yod pas der bzhugs zer khungs