[A:123]bstan/ gnas de la a mes yol ces grags/ jo bos kyang nyan tsho nas gnas snying du me tog gtor te rab gnas mdzad pa'o/
che ba bzhi pa/ yol sku mched kyi grub rtags kyi che ba ni/ a mes jo sras phur pa 'phe gyis/ gnas snying gi sa cha rnams yol sku mched gsum la phul/ de gsum gyis kyang dge 'dun gyi sde btsugs/ bshad sgrub kyi bstan pa spel/ sku mched gsum gyis grub rtags mi 'dra ba re re bstan te/ yol chos dbang gis gos nyi zer la bkal/ sham bu'i rtsa brgyad gro lam du 'khrid/ mthar brgyad ston pa 'chad pa'i mu la chos khri khar sku gshegs zer/ yol drang srong gis ljon dmar gyi rdo rje gcus pas khrag bton/ yol thog 'bebs kyis/ brag dkar gyi ri seng ge kha gdangs pa lta bu/ a mes yol gyi sa dgra ru 'gro ba zhig la/ rta'i zla ba la thog dgu phab/ snyug skyang ltar bsil ba'i nang nas shel gyi mchod rten khru gang pa dang / mi gang pa gcig byung ba/ mi gang pa de hor gyis khyer nas pho brang ta'i tu'i gan ji ra la yod zer/ chung ba deng sang gnas snying nyid na bzhugs pa'o/
che ba lnga pa/ spyan ras gzigs kyi lung bstan gyi che ba ni/ las stod pa chen po'i yab dpyil rin 'byung gi rmi lam du thugs rje chen po'i sprul pa mi dkar po zhig byung nas/ sa byang phyogs bod kyi rgyal khams 'di// nga thugs rje chen po'i gdul bya yin// khyad par lha yi rnam 'phru dngos// skal ldan khyod kyi rgyud la 'jug// byang chub sems dpa'i gdung rgyud gzung // zhes gsungs nas mi dkar po de rang la thim ste byin gyis brlabs pa'o/
che ba drug pa/ phyag drug dgon po'i bka' babs kyi che ba ni/