[A:121]ba'i/ yab sras de bzhis shangs kyi gad phur du rnying ma'i chos gsan du byon pas/ 'bre chen po nyang stod bye mda' na chos bskor ba'i snyan pas thugs 'phrog te/ sras gsum po 'bre chen po'i drung du rab byung bsnyen rdzogs byas/ thos bsam mthar phyin 'bre chen po'i yon tan bum pa gang byor thugs su chud/ 'di nyid kyi mkhan rabs 'ded pa na/ mi bcu'i tshong btsun shes rab seng ge/ sba btsun bsod nams dbang phyug/ yol chos kyi dbang phyug/ 'bre chen po shes rab 'bar/ las stod pa dkon mchog mkhar zhes zer ro/
las stod pa chen pos byi lo nas yos lo'i bar lo brgya bzhugs/ sku gzhon nu'i dus su lo chen rin bzang la rgyud 'grel dang sgrub thabs 'ga' gsan/ khyung rin chen grags la tshad ma gsan/ phyis dpal sa skya pa chen po kun dga' snying po la dus 'khor/ rgyud gsum man ngag dang bcas pa gsan zer ba khong rang gi gdung rabs na 'dug/ de ltar na lo chen rin bzang gis don dgu bzhes pa'i sa pho byi ba la/ las stod pa 'di bltams par sems/ 'bre chen po'i gdan sa mdzad de/ tshogs pa brgyad brgya re bskyangs zer/
'di'i gdung rabs la che ba bcu'i che ba dang po ni/ sa bdag chos skyong rgyal po'i 'ja' sas che ba ni/ gnas snying gi cha stod na ru lag khang gsum/ bar na skyegs ru gsum/ smad na she'u lung gsum/ 'bre khyung rje 'bangs dang bcas pa 'di/ khri ral pa can gyis/ rgya 'jam dpal gsang ba la 'ja' sas bcad gnang /
de nas de'i sras rgya dpal chen skyabs/ de'i sras bdud 'joms/ de'i sras a mes jo sras phur pa 'phel te gdung rabs gsum gyi ngo la'ang bdag