[A:120]gu'i ab chos spel ba ni/ khong rang gi sku tshe'i smad la byung bar gsal bas so/
de nyid la slob ma mchog/ las stod pa dkon mchog mkhar dang / rmog cog pa rin chen brtson 'grus sogs khri so brgyad yod par grags/
rngog lo chen po'i thugs sras de dag las gtso bor phar phyin gyi bstan pa spel ba la 'bre chen po slob rgyud dang bcas pa dang / gtso bor tshad ma'i bstan pa spe ba la gro lung pa dang khyung gi slob rgyud rnams bka' drin che bar byung 'dug pa las/ 'bre chen po shes rab 'bar ni/ 'khrungs yul nyang stod gtsang po nang pa yin la sku gzhon nu nas/ yol chos dbang las rab tu byung ste gsan pa mang du mdzad/ de nyid bla ma'i mchog tu gyur te gdams pas bskyangs/ gzhan yang pan chen 'bum phrag gsum pa dang / rngog lo chen po sogs bsten te thugs kyi sras su gyur/ slob ma grwa pa dpe 'grems stong phrag re byung ba'i nang nas/ mchog tu gyur pa/ las stod pa dkon mchog mkhar/ ar byang chub ye shes khyung rin chen grags/ snyal pa sregs ston/ mngon pa byang grags/ rgya 'dul brtson 'grus 'bar dang drug go/
dang po las stod pa chen po/ che ba bcu dang ldan pa'i gnas snying pa zhes grags pa'i gdung rgyud du sku bltams te/ de yang las stod byang gcung du grags pa'i thub mdor/ sngags 'chang dpyid rgyal ba grub pa/ de'i sras bkra shis rgyal mtshan/ de'i sras rdo rje rgyal mtshan/ de'i sras thugs rje rin chen/ de'i sras dpyil rin chen 'byung gnas/ de'i jo mo chung ba la/ sras dkon mchog mkhar/ dkon seng / dkon sprin gsum byung