[A:119] ba gang rung zhig las ma 'das par khas blangs bar bya ste/ chos kyi rjes su 'brang ba'i rnam dpyod kyis dpyad pa las de kho na ltar mthong ba'i phyir ro/
pa tshab kyi bu bzhi la yang / deb sngon las gtsang pa sa sbos/ rma bya byang ye/ dar yon tan grags/ zhang thang zag pa ye shes 'byung gnas dang bzhi zhes bshad/ mi mthun pa de dag las rma bya byang brtson ni/ rma bya byang ye dang / zhang thang zag pa sogs kyi slob mar snang zhing / pa tshab la'ang 'dus pa dbu ma gnyis gsan zer mod/ bu bzhi'i nang tshan ni rma bya byang ye sa sbom zhes dang / gangs pa she'u dang / gangs pa gnyan sogs ji ltar yin kho bos ma 'tshal lo/
shangs pa bka' brgyud kyi bstan pa ni/ lo chen 'di'i sku tshe'i smad tsam la dar bar sems te/ khong stag lo pa yin zhes pa tsam zhig las gsal bar mi snang yang / khong gis 'phags yul du lan bdun tsam zhig ris su phebs pa mjal zhes dang / khong la 'phags yul du rdo rje gdan pas ming spod (spos) dang dbu skra gcod pa sogs rab byung du sgrub par brtsams kyang / mkha' 'bros ma gnang ba la/ phyis glang ri thar (thang) pa snang ba mtha' yas su gzigs nas bsnyen par rdzogs zhes dang / khong gis lo brgya dang lnga bcu bzhugs zer ba rnams rnam thar na gsal bas de dag khog sgrigs nas/ khong gis shangs gzhon gyi dgon pa btab ste/ ni