[A:116]dang / rngog lo'i 'chad nyan rog shog pa yang dus mtshungs par snang ngo/
pa tshab kyi dbu ma ni/ sha ra ba gzhan don mdzad pa'i skabs su yin par snang bas/ rngog lo'i 'chad nyan gyi mjug zin pa tsam zhig la in nam snyam du sems/ 'di la sgra pa shes rin pa'i grub mtha' shan 'byed las/ slob dpon sangs rgyas bskyangs kyis thal 'gyur ba'i srol phye yang / slob dpon legs [ldan] 'byed kyis thal 'gyur ba la skyon bzung ba rnams 'gro bar grags nas thal 'gyur ba'i bstan pa spel ma thub ste/ phyis zla grags su skye ba bzhes nas 'phags yu du thal 'gyur ba'i bstan pa cung zhig spel bar mdzad/ bod gangs can du yang / bstan pa snga dar la yang zhi 'tsho/ ye shes snying po/ padma'i ngang tshul te rang rgyud shar pa go gsum spyan drangs te rang rgyud pa'i bstan pa ches cher 'phel mod/ thal 'gyur ba'i bstan pa ni ma byung la/ phyi dar la zla ba grags pas/ a ti shar skye ba bzhes nas thal 'gyur ba'i bstan pa spel bar dgongs kyang ji bzhin ma byung nas/ a ti sha nyid pa tshab lo tsA bar sku'i skye ba bzhes/ de'i bu chen tshig la mkhas pa gangs pa she'u/ don la mkhas pa gtsang pa 'bre snur/ gnyis ka la mkhas pa rma bya byang brtson/ gnyis ka la mi mkhas pa zhang thang zag pa bzhi'i sgo nas thal 'gyur ba'i bstan pa dar bar mdzad do zhes bshad la/ de lta bu'i zla grags klu sgrub yab sras kyi dngos slob min pa kho na'i lugs su snang mod/ dbu ma'i yig cha rnying ma 'ga' zhig las/ klu sgrub nas zla grags la brgyud tshul la/ nye gnas dngos grub brnyes pa las brgyud tshul/ gzhung bshad rgyud kyi mkhas pa panDi ta las brgyud tshul/ rtsa ba klu sgrub nyid la dngos su thug tshul dang gsum/