[A:117] dang po ni/ klu sgrub la nye gnas na ga bo dhi te klu'i byang chub/ shan ta de ba ste zhi ba lha/ Arya de wa ste 'phags pa lha dang gsum yod pa'i klu sgrub kyis rigs tshogs rnams Arya de wa la bshad/ des zla grags la bshad do/
gnyis pa ni/ klu sgrub kyis thal rang gi srol 'byed/ budadha pa li ta ste sangs rgyas bskyangs dang / bai bya ka ra ste legs ldan byed rnams la dngos su bshad/ de gnyis ka la zla grags kyis thos so/
gsum pa ni/ zla grags kyis klu sgrub la dngos su thug ste/ de yang rgya gar gyi pan grub ha su ma ti'i zhal nas zla grags kyis klu sgrub lo brgya phyed bsten zer ro/ de ltar na nye brgyud la/ klu sgrub zla grags des lo bzhi brgya bzhugs/ de la rigs pa'i khu byug gis thug lo sum brgya bzhugs/ de la sa ra ha te/ ha su ma ti/ ka na ka warma gsum gyis thug cing / de gsum ka la pa tshab kyis zhus so/
pa tshab kyi slob ma/ gtsang pa sa/ rma bya byang ye/ zhang thang zag mo sa dang gsum/
des na pa tshab bu bzhi'i nang tshan ni/ rma bya byang ye dag pa 'dra bsam/ rma bya byang brtson in byang ye'i slob mar snang ngo/ mchan no/
yol lcags rma bya byang brtson kyis/ rma bya byang ye/ zhang thang zag/ gtsang pa sa'i slob ma gangs mnyan dang gsum la dbu ma bsten/
yang panDi ta su ma ti'i slob ma dza ya A nanata/ des khu lo tsA ba mdo sde 'bar la/ dbu ma thal 'gyur lugs bshad/ des gtsang nag pa brtson 'grus seng ge la/ des rma bya byang brtson la bshad pas/ rma bya byang brtson ni/ pa tshab lugs dang / khu lugs kyi dbu ma thal 'gyur ba'i gnad la