[A:115] khyung po rnal 'byor yang glang thang pa las bsnyen par rdzogs zhes 'byung pas/ lo chen 'di'i ngo la khyung shangs bka' brgyud ces grags pa de yang dar ba yin pas/ lo chen 'di'i sku ngo nyid la mdo sngags bshad sgrub kyi bstan pa ches cher dar ba yin no/
de yang zhib tu dpyad na/ rngog los bcu bdun phrag gnyis pa la kha cher gsan sbyongs mdzad/ so lnga pa nas nga gcig pa'i bar bcu bdun pa phrag gsum pa la 'phrin las bskyangs pa yin na/ mi las so brgyad pa la mar pa dang mjal/ lo drug bsten te zhe lnga pa nas lo bcu gcig sgrub pa la zhugs/ lnga bcu nga drug yan chad gzhan don mdzad pa dang / po to bas 'brom gshegs nas lnga bcu'i bar sgrub pa mdzad la/ nga gcig pa nas gzhan phan mdzad pa yin zhing / rngog los so bdun lon pa'i tshe/ mi las nga bzhi dang po to bas nga gcig lon pas/ rngog los mdo phyogs kyi 'chad nyan gnang ba'i tshe/ mi la dang dam pas sgrub rgyud kyi bstan pa dang / rngog 'tshur mes gsum/ rwa mnyan (gnyan) mgos gsum/ 'khon dkon mchog rgyal po sogs kyis rgyud bshad dang / se mkhar chung pa dang zhang pas lam 'bras dang / pu to ba sogs sku mched gsum gyis bka' gdams kyi bstan pa spel ba rnams dus mtshungs pa kho na yin la/ rgya 'dul 'dzin gyis lo gya lnga bzhugs pa'i/ so bzhi'i bar du 'dul ba la thugs sbyongs mdzad/ so lnga nas bshad nyan gnang ba las/ rog dmar khur bas pu to ba zhe gsum lon pa la khong nyer drug pa'i dus mjal/ po to ba ma mjal gong / rgya 'dul 'dul ba'i 'chad nyan mgo nyug pa tsam la 'dul ba mnyan zer bas/ rgya 'dul 'dul ba'i 'chad nyan gyi sgang