[A:113]pa'i slob ma'i grangs ni/ mkhas btsun grangs rim pa bzhin nas/ khri so gnyis dang sum stong dang zhes pa ltar yin la/ zur chos pa'i grangs kyang / rgyan dang chos mchog 'chad mkhan lnga bcu/ rnam nges 'chad po nyis brgya dang brgyad cu/ lung chos smra ba stong dang brgyad brgya ste/ chos smra ba nyis stong brgya sum cu tsam zhig byung bar grags/ de rnams kyi nang nas zhang tshes spong ba chos kyi bla ma/ gro lung pa blo gros 'byung gnas/ khyung rin chen grags/ 'bri ('bre) shes rab 'bar dang bzhi la thugs kyi sras bzhi zer/
lo chen 'dis dgung lo bco brgyad pa la kha cher byon pa'i tshe/ gra pa mngon shes kyi mkhan bu btsan kha bo ches kyang byon te/ khong gnyis char gyi byams chos gsan pa'i bla ma sadzdza nar gcig kyang / byin rlabs kyi bka' tha dad du bags te rngog lo chen po la shes rab kyi bka' babs/ btsan la man ngag gi bka' babs te/ bshad pa rnams nyams len kho na dang sbyar ba'i btsan nas brgyud pa'i byams chos kyi nyams khrid ces kyang mkhas pa dag la grags shing / spyir byams chos lnga'i brgyud bla dang chos nyid rnam 'byed kyis dpe rgya gar du yang bar skabs su nub nas med pa la/ mai tri pas mchod rten gyi khong gseng nas 'od dang bcas te de nyid kyi dpe rnyed/ slar byams pas mngon sum du gnang / des panDi ta dga' ba'i grags pa la gnang / des bram ze sadzdza na la gnang / des btsan rngog gnyis la gnang ste phyi dar ba yin zer/
rngog lo chen po ni nga gcig pa la bsam yas dang nye ba'i lam zhig tu sku gshegs/ phar tshad la sogs pa mdo phyogs kyi bstan pa lung rigs kyi sgo nas 'ur phyil pa de rngog lo tsA ba'i drin yin/