[A:112] yin la/ phyi ma ni dbus sam yar 'brog tu byon la/ mi bcus 'bring ye shes yon tan la rab tu byung / khams su jo bo se btsun gyi slob ma mdzad/ bya lor dbus su phebs nas bshad grwa btsugs/ lug lor mnga' ris su jo bo spyan 'dren pa la byon nas jo bo'i slob ma gsang phu ba zhes grags pa de'o/
de nyid kyi dbon po rngog lo chen po ni/ sum stong brgya dang gya dgu 'das pa'i dgu bcu pa me mo bya'i lo
spyi lo 1057
la chos skyabs kyi sras su 'khrungs/ lo 'di phyi dar sa mo bya nas brgya dang brgyad 'das pa'i dgu pa dang / jo bo byon pa'i shing rta nas gnyis 'das pa'i gsum pa dang / lo chen rin bzang 'das pa'i lcags bya nas gya bdun 'das pa'i gya brgyad sa mo bya la rngog lo bstan pa'i nyi ma shar ba yin la/ pan shaka pas/ jo bo chu rta la byon zhing shing rta la gshegs/ de nas lo drug pa sa mo phag la gsang phu yang btab/ rngog lo yang 'khrungs zer/ rngog lo'i 'khrungs lo la lo gnyis kyi khyad las mi 'dug kyang / sa skya btab lo la bco lnga'i khyad 'dug go
/ lo 'di nas da lta'i shing rta 'di ni lnga brgya dang bdun du slebs pa'i lo de yin zhing / deb sngon las sa mo phag lo pa zer te lo gnyis kyi khyad 'dug go/
lo chen 'di lo bcu bdun phrag gsum bzhugs pa'i/ bcu bdun phrag dang po la/ khu bo dang gzus kyi slob ma sbo tshul khrims shes rab sogs kyi drung du gsan pa mang du mdzad/
bcu bdun phrag gnyis pa la/ kha cher byon/ bram ze sadza (sadznya) na sa dang he ta (pa ra he ha) sogs kyi drung du sbyangs pa mdzad/
bcu bdun phrag gsum pa la bod du byon bstan pa'i bya ba rgya cher mdzad