[A:111] bla (glang) thang pa las lo gcig gis bgres/ phyi dar sa mo bya nas brgya dang lnga ru son pa ste lo de nas yin no/ dgung lo brgyad cu rtsa gsum bzhugs/ sa chen gyi dgung lo zhe bzhi lon pa'i tshe 'das/
sbas pa'i tshul gyis gsung ngag gi bdud rtsi spel ba'i slob ma'i mchog dpal sa skya pa chen po dang / zhang dkon mchog dpal gnyis so/ de ltar de dag ni/ jo bo byon pa'i snga rol du bltams pa rnams ngos bzung ba yin la/ jo bo'i rjes su byon pa la blo ldan shes rab bka' drin che ba yin te/ de yang / yar 'brog mtsho 'gram du byon pa'i gsang snying pa rdo rje gzhon nu la/ sras rngog legs shes/ klu byang / klu khri/ chos skyabs/ thub pa zhes mched lnga'i che ba ni jo bo'i slob ma khu rngog 'brom gsum zhes grags pa'i/ 'jam dbyangs kyi rnam 'phrul rngog legs shes grags pa ste/ gsang phu'i chos grwa chen po btab ste bstan pa'i rgyun la bka' drin mchog tu che
pan shaka pas/ jo bo gshegs nas lo drug pa sa mo phag lor rngog lo 'khrungs/ lo de la legs shes gsang phu btab/ de nas lo bco lnga pa chu mo glang la dpal ldan sa skya btab ces mi mthun pa chen po mdzad 'dug/ de ltar bar khyad 'byung ba'i gnad kyang jo bo rta la byon pa'i tshe 'khon dkon mchog rgyal po lo dgu lon/ shing rta la jo bo gshegs par byas nas/ lo drug pa la gsang phu btab/ 'khon gyi bzhi bcu pa chu glang la sa skya btab pa'i gnad kyis/ lo bco lnga khyad zhugs pa de mi 'byung thabs med yin no/
'di dang lo chen rin bzang gi slob ma lo chung legs pa'i shes rab gnyis gcig tu 'khrul ngar mi bya ste/ snga ma ni 'khrungs yul mnga' ris pa nyid