[A:106] la phyis rong pa la gdams ngag gsan nas dad pa thob pas rong pa'i bu bzhi zer/
bya 'dul 'dzin gyi slob ma ni seng ge'i mtha' can bzhi ste/ rtsis 'dul 'dzin gzhon nu seng ge/ rnal 'byor byang seng / rje mo chos seng / ka ba ston seng ngo/
rnal 'byor chen po ni/ shing mo yos lo pa ste rang lo zhe gcig pa la nyan tshor jo bo dang mjal/ jo bo'i nye gnas mdzad/ lan gcig nye gnas mi byed par gsol bas/ 'brom gyis a mes mi spro na/ mi byed du chug mdzod zhus pas/ jo bos nged rgya gar na lam sgrub pa la grogs rnal ma gcig dgos te pho nya mo zhes bya ba dbang du byed pa'i las sgrub nas bkug dgos pa yin/ 'di yang pho nya os bkug dgos pa'i tshod yin/ nga rgya gar shar phyogs su skyes pa dang / a mes mdo khams su skyes pa gnyis sngon gyi 'brel bas phrad pa yin/ da nga mgo bo 'di ltar song ba gcig 'jog phod dam gsungs pas/ a mes spyan chab phrul mdzad nas/ 'o na ji srid bzhugs kyi bar nye gnas bgyi ba'i tshul gsungs/ jo bo'i zhal nas u pa sa ga (si ka) khyod bod dag re dga'/ 'di 'dra'i bsam pa bzang po yod pa gsung skad/ rnal 'byor pa'i dgongs pa la lan gcig bla ma'i zhabs tog kho na las sgom pa'i long skabs med snyam pa'i tshe jo bo'i zhal nas lus ngag yid gsum bla ma'i zhabs tog tu bkol na sgom pa'i dmigs pa tsam mi dgos gsungs te sgom yang rnal 'byor pa las bzang ba ma byung / 'brom gyi rjes su rwa sgreng gi gdan sa mdzad/