[A:105]pa 'dzeng dbang phyug rgyal mtshan/ rnal 'byor pa shes rab rdo rje ste rnal 'byor pa gsum/ phyag (phywa) dar ston pa dang bzhi'o/
de dag las/ jo bo mnga' ris su bzhugs pa'i tshe/ panDi ta las rgyu 'bras pa zhes dang / dbus gtsang du phebs pa'i tshe skyabs 'gro pa zhes grags pa'i bka' gdams pa zhes mtshan 'dogs pa med la/ phyis spyan ras gzigs kyi rnam 'phrul 'brom ston pas rwa sgreng btab/ tshogs pa drug cu tsam re bskyangs pa'i tshe bka' gdams zhes grags shing / de'i thugs sras 'jam dbyangs rnam 'phrul pu to ba/ spyan ras gzigs kyi rnam 'phrul phu chung ba/ phyag rdor rnam 'phrul spyan snga ba ste gsum man chad nas bka' gdams gzhung pa dang gdams ngag pa gnyis su grags/
rab dbye las/ bka' gdams gdams ngag lugs gnyis dang // zhes pa'i rang mchan las/ pu to ba dang sne'u zur las brgyud pa zhes pa ltar na/ 'brom nas po to ba las brgyud pa la gzhung pa dang / dgon pa ba nas sne'u zur pa nas brgyud pa la gdams ngag pa zhes mtshan 'dogs par gsal lo/
nag tsho tshul rgyal jo bo spyan 'dren pa la byon pa'i tshe rang lo nyer bdun pa yin zer la/ gang na'ang lo bcu dgu ru jo bo bsten/ khong gi slob ma rong pa phyar sor ba/ de'i slob ma la rong pa bu bzhi zhes grags te/ de nyid slob rgyud dang bcas pa la bka' gdams 'og pa zhes grags zer/
de yang bya 'dul 'dzin brtson 'grus 'bar/ zhu lhan pa/ rnam 'phar ba/ rong rtag brtan pa bzhi/ sngar rma tsho byang chub rdo rje'i bu chen yin pa