[A:107] slob ma'i mchog mang ra brtson 'grus 'bar dang / mtha' bzhi brtson 'grus 'bar gnyis so/
dgon pa ba 'dzang dbang phyug rgyal mtshan ni me mo 'brug lo pa ste/ rnal 'byor pa chen po las lo gcig gis gzhon/ bhi bcu pa la jo bo dang mjal/ rnal 'byor pa chen po'i rjes nas rwa sgreng gi gdan sa mdzad/
slob ma'i mchog kA ma la shes rab 'od zer dang / sne'u zur pa ye shes 'bar gnyis so/
dgon pa ba nas sne'u zur pa la brgyud pa'i man ngag la bka' gdams gdams ngag tu bzhed pa de ltar na/ gdams ngag de/ jo bo nas dgon pa ba la dngos su bka' babs pa zhig gam/ 'brom nas dgon pa ba la bka' babs gang zhig ces brtag dgos so/ de ltar brtag pa'i tshe jo bo nas dgon pa ba la brgyud pa'i 'khor ba 'jug ldog nas brtsams pa'i lam rim dang / 'brom la brgyud pa'i dal 'byor rnyed dka' nas brtsams pa'i lam rim gnyis pa 'di/ bka' gdams gdams ngag lugs gnyis dang / zhes pa'i gdams ngag lugs gnyis yin pas 'brom nas brgyud pa la yang gzhung gdams ngag gnyis char tshang ste 'khrul pa med do/
de dag las sne'u zur pa ni chu pho rta lo pa ste/ pu to ba las lo gcig gis bgres/ ka ma pa ni de nas lo skor gcig 'das pa me mo bya lo pa ste/ rngog lo chen po dang skyes lo gcig go/
de lta bu'i bka' gdams kyi bshes gnyen re res kyang tshogs pa brgya stong gi bar du bskyangs pas grangs tsam gyis kyang gangs can gyi klung shod thams