[A:101]te/ lo tsA ba chen po 'di rnams kyi don stan thog cig tu nyams su len na ji ltar bgyid gsungs pas/ so so'i sgrub thabs nas bshad pa bzhin byed pa lags mod zhus pas/ lo tsA ba rtul nga bod du yong dgos pa 'dug/ thabs gcig gi steng du thabs thams cad ma tshang ba med par nyams su blangs chog gsungs pa la/ phyis kyi mkhas grub rje sogs/ bu ston gyi gsung las de ltar bden na lo tsA ba ma rtul jo bo rtul gsung ba ltar yin pas gtam bya de ni lam yig gi ma dag pa yin te/ de ltar min na/ lha btsun pas bdag lha spyan ras gzigs dang rgyud gsang ba 'dus pa mos pas de dang sgo bstun pa'i nyams len gcig zhu gsol ba la/ spyan ras gzigs sgoms la gsang 'dus bstim nas ma ni bsgrongs zhes gsung bar rigs pa las/ gsang 'dus nas bshad pa'i spyan ras gzigs la gtso bo 'pho ba'i sgrub thabs ye shes zhabs lugs pa ji ltar bzhed pa ltar gnang ba'i phyir gsungs yod/ kho bo ni jo bo dang / lo tsA ba gnyis ka'i gsung la gnad kyi snying po len par shes na 'gal ba med par sems so/ de lta bu'i lo chen dgung lo brgyad cu rtsa lnga pa zhig jo bo rjes sgrub pa la btsud/ de nas go brgyad gyi bar du sgrub pa gtso bor mdzad/ klu skar rgyal btul ba sogs kyang / sgrub pa mdzad ring yin nam bsam mo/
de nas jo bo rgya gar la zhag bzhi nas phebs par chas pa'i tshe/ 'brom lo so brgyad pa zhig gis mjal/ bdag gi sngar gyi chos lam du ji ltar song zhes pa sogs dri ba gsum zhus/ khyod kyis sngar bla ma'i phyag phyi bgyis pa kun lam du song / da kho bo la yi dam gyi lung bstan pa'i slob ma yin gsung