[A:102] thugs yid gcig tu 'dres/ jo bo yab sras mjal ba'i lo 'di/ deb sngon sogs las bya lo yin zhes bshad pa ni/ 'brom rang gi lam yig la ma dpyad pa'i gtam ste/ lam yig las/ zla ba dgu ru mnga' ris stod du bzhugs// rgyal po'i thugs dgongs thams cad rdzogs par mdzad// ces sogs dang / de ltar nga la bsten nas lo dgu dang // khu la bsten nas zla ba brgyad dang ni// bar lam rnams su zla ba bzhi tsam dang // gtsang gi phyogs su lo gnyis nye bar gnas// dris pas dgung lo bdun cu don gnyis pa'i// rta lo dbyug dgu'i tshes gcig nas brtsams te// bco brgyad bar du snyung tshul bstan pa la// 'brom ston kho na drung na mchis pa yin// zhes jo bos rta lo nas rta lo'i bar lo bcu gsum bod du bzhugs pa'i/ 'brom gyis mthun pa'i rkyen sbyar nas o dgu dang / khus sbyar nas zla ba brgyad dang / bar lam gyi zhag sar zla ba bzhi ste dbus su lo bcu dang / gtsang gi skor la lo gnyis te/ bcu gnyis bzhugs par bshad pas/ mnga' ris su lo ngo gcig las ma bzhugs par grub la/ khyed ltar na rta lo nas bya lo'i bar lo bzhi mnga' ris su bzhugs dgos par byed dgos pa'i phyir ro/
de nas 'brom gyis yul dbus kyi dge 'dun gyi bsngags pa gsol bas/ jo bo'i thugs slar tshur phrogs te/ 'brom gyis/ jo bo spyan 'dren pa'i pho nya dge 'dun ngur smrig 'chang ba// shing rta dbyibs 'dra 'dzam gling gis// zhes sogs tshigs su bcad pa'i lcags kyus drangs te/ yang tho gling gser gyi lha khang du spyan 'dren pas slebs/ de nas jo bo/ la stod byang gi mdog stod tsha sna phyag phebs/ de'i tshe/ khu ston rngog legs she sogs