[A:42]gyi brgyad stong pa gsum/ de la sogs pa chos dang zang zing gi sbyin pa dpag tu med pa mdzad do/ /yang de dag thams cad la/ sku gdung gi bzhugs sa gser gyi gdung rten dang / gser gyi bkra shis sgo mangs dang / gser gyi sku gzugs la sogs pa mdzad nas bla ma dang mched zla thams cad kyi thugs dgongs thams cad 'grub par mdzad pa yin no/ /phrin las gzhan yang gtsug lag khang mang du bzhengs pa dang / de bzhin gshegs pa'i sku gzugs rin po che las grub pa du ma dang / rgyal ba'i gsung rab mdo sde dang rgyud sde 'gyur ro cog phal mo che rin po che las bzhengs pa dang / chos bzhin sgrub pa'i dge 'dun brgya rtsa brgyad zhabs 'bring mdzad pa'i thugs dgongs mdzad nas yo byad phal cher bsgrubs pa dang / de ltar dkon mchog gsum gyi nye bar mkho ba mchod pa'i bkod pa dang / mar me'i phreng ba dang / chen po la 'os pa'i gdugs dang / rol mo'i cha byad du ma dang / bla bre dang / lhab lhub kyi bkod pa mtha' dag bde bar gshegs pa'i bstan mi nyams shing 'phel bar bya ba'i don kho na mdzad do/ /gzhan yang shes rab kyi pha rol tu phyin pa 'bum rin po che dang snag tsha 'dres pa phyed dang sum brgya lhag pa cig phyag tu byung ba la brgya tsam zhig bla ma'i gdung rnams sa skya'i gtsug lag khang na bzhugs pa la phul/ gzhan dang gzhan rnams ni dge ba'i bshes gnyen gzhan dang / gtsug lag khang gzhan rnams su phul lo/ /de la sogs pa phyogs gzhan rnams la yang dpag tu med cing yod byad rnams kyang ji snyed cig byung yang bla ma dkon mchog gi phyir phul ba dang / mgon med pa rnams la btang nas bde ba can du gshegs pa na/ gdan dang na bza' phrug gcig ma gtogs pa gser til 'bru tsam mam/ yo byad gzhan bre gang ri ba ma bzung ba de'i steng du bun skyi mdzad nas gnang ba gser srang sum cu lhag dang