[A:41]shes pa'i mngon par shes pa la sogs pa dang / nang du yang dag par 'jog pa la sogs pa bsam gyis mi khyab par bdag cag la nges shes yod mod kyi/ 'on kyang bkas ma gnang bas ma bris so/ /gzhan yang bla ma la gus pa ni/ rje bla ma yab sras nges par rdo rje 'chang yin pa la the tshom mam yid gnyis gtan mi mnga' ba yin par nges la/ de'i phyir de dag zhal bzhugs pa na sku gsung thugs ji ltar mnyes pa bzhin bsgrubs nas tha na kyal ka'i phyir yang gsung mi ldog la/ sku 'da' ba'i tshe na yang bdag nyid glud du gtong ba'i bar du mdzad la/ sku 'das nas kyang mchod pa'i phyir bla ma sa skya pa chen po'i 'dad la phyogs kyi dge ba'i bshes gnyen chen po rnams spyan drangs nas chos 'khor chen po mdzad de/ 'bum lnga bcu tsam/ nyi khri brgya sum cu lhag tsam cig /dkon mchog brtsegs pa brgyad cu lhag tsam cig dang / de la sogs pa chos dang zang zing brjod kyis mi lang pa ding sang gi bar du yang skye bo rnams kyis snyan grags sgrogs par mdzad la/ yang slob dpon gcen rgya gar du lo tsA slob pa la ma ga dhar sku gshegs pa'i 'dad la yang / lo paN spyan drangs pa'i chos 'khor mdzad nas chos dang zang zing gi sbyin gtong rgya chen po mdzad do/ /yang slob dpon rin po che sku 'das pa na phyogs kyi dge ba'i bshes gnyen rnams spyan drangs nas chos 'khor chen po mdzad de/ 'bum cha sum cu so bdun/ nyi khri brgyad cu tsam/ dkon mchog brtsegs pa lnga bcu tham pa/ gser gyi brgyad stong pa dang / 'jam sdud la sogs pa bdog pa thams cad btang ste/ tha na na bza' dang / zhal bu tshun chad btang ba dang / yang slob dpon gcung sku 'das pa na phyogs kyi dge ba'i bshes gnyen rnams spyan drangs nas/ 'bum cha sum cu rtsa lnga/ nyi khri brgya nyi shu tsam/ dkon mchog brtsegs pa sum cu/ gser