[A:43]bcas pa zug ste 'di ni ngo mtshar ba yin no/ /de la sogs pa'i rnam par thar pa ni brjod kyis mi lang ba'i phyir 'dir re zhig ma brjod do/ /gzhan yang bdag nyid chen po 'dis mtshan yang dag par brjod pa zhal thon du mdzad pa na/ lan gnyis mnal lam du byung ba'i rjes su 'phags pa 'jam dpal gyi mtshan yang dag par brjod pa skye ba bdun gyi bar du yid dam gyi lha'o zhes mnal lam du byung nas skye ba dran pa'i tshul 'thad pa dang bcas pa rmis so zhes gsungs te/ 'di la nges pa'i shes pa kho bo cag la skyes te/ cis mngon zhe na/ mtshan yang dag par brjod pa ma bzung bar thugs la shar nas zhal thon du mdzad pa mngon sum du mthong ba dang / mtshan yang dag par brjod pa bton pa'i phan yon skye ba dran pa dang / bstan bcos mtha' dag la 'jigs pa med cing smra mkhas pa dang / shes nyan can dang / le lo med pa la sogs pa dang / sngon ma thos pa'i bzo dang / sgyu rtsal dang / gzhan yang mngon par shes pa'i shes pa thams cad don dang yi ge'i sgo nas shes pa dang / tshul khrims dang 'tsho ba yongs su dag pa la sogs pa'i phan yon ji ltar bshad pa rnams 'dug pa mthong ba dang / gzhan yang nges pa'i shes pa khyad par can 'ga' zhig skyes mod kyis 'dir ma smras so/ /gzhan yang byang phyogs na 'jig rten gyi khams dpag tu med pa 'das pa na/ 'jig rten gyi khams gser mdog can zhes bya bar de bzhin gshegs pa gser 'od rnam par rtsen ba'i dbang phyug rgyal po zhes bya ba'i sbyin bdag 'khor los sgyur ba'i rgyal po bsod nams mtha' yas zhes bya bar 'byung bar 'gyur la/ bdag gi bla ma chos kyi rje chen po 'di de'i sras gling bzhi sum cu rtsa gsum gyi phyed dang bcas pa la dbang mdzad pa'i 'khor los sgyur ba'i rgyal po yon tan mtha' yas zhes bya bar 'gyur