[A:40]lung thob pa phyis nan tan du zhus pa ni/ slob dpon zhang dang / slob dpon 'jam pa'i rdo rje dang / sum pa lo tsA ba dang / dge bshes gnyag la sogs pa rnams las gsan te/ de thams cad bla ma chen po dngos kyi slob ma yin no/
/la sogs pa du ma zhig gsan cing thugs su chud do/ /gzhan yang slob dpon gzhan dang gzhan rnams las pha rol tu phyin pa'i gzhung gi mdo dang / bstan bcos kyi cha du ma dang / gsang sngags kyi gzhung phran tshegs rnams dang / man ngag gi bye brag dpag tu med pa gsan pa'i tshul rnams ni bsngo yis mi lang bas yi ger ma bris so// //'di'i mdzad pa phrin las ni/ spyir bdag cag gi blo'i yul las 'das pa zhig go /'on kyang gtso bor sgrub pa nyid la thugs gzhol ba'i rim pa gnyis la brtan pa chen po thob pa'i nges pa'i shes pa skyes la/ de nas bshad pa mdzad pa ni/ gzhung ji ltar dka' zhing sngar ma 'dris pa yin du zin kyang snga blta mi mdzad par gang 'chad kyang gzhung dang don gyi cha la thams cad mkhyen pa'i gsung g-i rnam par thar pa bzhin no/ /de'i phyir slob ma dam pa'ang mang du bskrun par gyur to/ /gzhung rtsom pa la ni phul du phyin pa zhig ste/ 'di'i rtsom pa mtha' dag rim gyis brjod bde zhing gzhan gyis rtogs par sla la gnyis ka la rna bar snyan pa kho na 'byung ba zhig ste/ 'phags pa 'jam dpal dang / rje btsun mi g.yo ba dang / kye rdo rje'i dhaNDa ka la sogs pa'i bstod pa rnams kyi tshig dang don dang rgyan la sogs pa'i snyan dngags ni sdeb sbyor byed pa gzhan la ma mthong la/ bstan bcos chen po mdzad pa rnams kyang gang zag gi blo dang bstun nas sdeb sbyor gtso bor mi mdzad par phan pa nyid lhur mdzad mod kyi 'on kyang mkhas pa rnams kyi yid 'phrog par mdzad pa zhig go /des bstan bcos ji srid mdzad pa yang mtha' yas pa'i phyir 'dir ma bris so/ /yang gzhan gyis brtsad cing dris pa na/ chos dang mthun par lan 'debs pa ni spobs pa thogs pa mi mnga' bar rigs pa dang lung gi pha rol gyi log par rtog pa sel ba ni/ rtog ge ba chen po sgra'i cha la ma rmongs pa dag kyang ba spu ldang ba zhig go /ngo mtshar ba'i khyad par thob pa yang yi dam gyi lhas byin gyis brlabs pa dang / bsams na