[A:46]yang 'ga' zhig yod pas khyed btang snyoms su mdzod ces bya ba la sogs pa rnam grangs du ma'i sgo nas bzlog /yang zla ba 'ga' 'das pa na de bzhin du bkod pa rgya chen pos spyan 'dren pa yin zhes snga ma bzhin rgyas par zhu ba na/ snga ma bzhin bzlog go gsung / de nas zhag bcu bdun 'das pa na ci nas kyang bde ba can du gshegs so zhes smra zhing bkod pa dag kyang ston par byed pa na/ bde ba can gyi bkod pa dag kyang rgya chen por gzigs shing mngon sum du gyur to/ /de'i tshe 'jig rten pa rnams kyis mngon sum du mthong bas sa g.yo ba dang / phyogs kun tu sgra chen po yang nas yang du grag par gyur to/ /'od kyi phung po yang phyogs kun tu 'phro bar snang ngo / /de nas zhag bcu bdun la bab pa'i tshe/ byi ba'i lo khra'i zla ba yar ngo'i tshes bcu gnyis kyi srod kyi dus su phyi rol na 'khod pa'i skye bo 'ga' zhig gis kyang spyan 'dren pa'i lha tshogs dpag tu med pa mthong zhes thos la/ zhabs drung na bzhugs pa 'ga' zhig la yang de lta bu'i snang ba shar bar gyur to/ /yang tho rangs kyi cha la zhabs drung na tsog tsog por 'dug nas gsol ba btab pas cung zad gnyid pa'i tshe bde ba can nas 'ong zer ba'i lha tshogs dpag tu med pa nam mkha'i gtos khyab pa'i gdugs chen po rin po che'i dra ba dang / dra ba phyed pa sna tshogs 'phyang bzhin pas kun nas bskor ba rin po che'i seng ge'i khri kun nas brjid cing mdzes pa rgya che ba rin po che'i rgyan dang me tog chun bu du ma nam mkha' la gtor cing 'bab pa dang / lding ba dang / rol mo'i bkod pa dpag tu med pa/ sngon chad blo yul du ma byung ba'i bkod pa chen po dang / gzhan yang dri dang / phreng ba dang rgyal mtshan la sogs pa du ma dang bcas pas chos kyi rje chen po bde ba can du spyan 'dren zhes zer ba la/ rmi lam rmi ba po des gsol ba btab cing bzlog pa na/ re zhig mi smra ba'i tshul