[A:44]bar lung bstan pa dang / yang rje sa skya pa chen po yab sras kyis kho bos khyod la lam gyi rgyus bstan to zhes gsungs nas/ dbang bzhi pa'i lam thugs su chud de/ nyid kyis slob ma rnams la kho bo'i rje btsun chen po sa skya pas stag byang chub sems dpa' la bstan pa'i lam gyi rgyus ngas legs par shes pas khyed 'gro ba yod na bstan/ nga re zhig byang chub sems dpa' zhu byas kyi lam la 'gro zhes gsungs nas 'khor tshom bu gcig dang bcas te gshegs pa dang / yang rje sa skya pa chen po nyid kyis buu ngas chos ji snyed cig bstan pa thams cad bsdus na 'di yin pas legs par nyon cig /byang chub sems kyi bdag nyid dngos/ /dang po chos nyid gdan du bya/ /'byung ba rlung la spar 'dzin bya/ /gtum mo'i me drod rab tu bskyed/ /byang sems chu rgyun dbu mar gzhug /sa sogs 'byung ba dbang du sdud/ /ye shes lnga ni mngon gyur nas/ /'chi ba med pa'i gnas thob bo/ /zhes gsungs pa dang / phyi nang gi rten cing 'brel par 'byung ba thams cad thugs su chud pa dang / yang mkha' 'gro ma 'ga' zhig mkha' spyod du spyan 'dren pa yin zhes zhu ba na phyir bzlog pas nang gi bar chad kyi 'gro ldog gi dmigs phyed pa dang / gzhan yang rmi lam na chos kyi sgo du ma gtan la phab cing rgyu 'bras kyi 'gro ldog la the tshom bcad pa dang / lha dang klu la sogs pas the tshom dris pa dag ji lta ba bzhin the tshom sel nus pa dang / lha dang klu la sogs pa dgos pa khyad par can byung ba'i tshe ji ltar bsgo ba gus pas nyan pa dang / shin tu lkog tu gyur pa go bar ma nus pa dag gus pas zhus na the tshom gyi dra ba gtan nas sel ba dang / nyid kyis kyang rtogs par dka' bas 'ga' zhig dgos pa khyad par can mthong ba'i tshe/ mchod pa'i khyad par dang bcas pas gsol ba btab nas zhus na rnal 'byor gyi dbang phyug nyid kyis dngos