[A:406]lte bar byas pa'i phyi rol tu/ lung las/ mnyan yod gnas bcas tsam pa ka /wa ra NA si yangs pa can/ /rgyal po'i khab dang drug po ni/ /de dag grong khyer chen por grags/ /zhes 'phags yul na yongs su grags pa'i grong khyer chen po drug dang gzhan yang shar phyogs rgya nag po'i rgyal khams na 'phags pa 'jam dpal gyis rtsis kyi sgo mo brgyad khri bzhi stong gsungs pa'i gnas ri bo rtse lnga/ lho phyogs su dpal ldan 'bras spungs kyi mchod rten na dus kyi 'khor lo'i ye shes sems dpa' ma bsdus par dngos su bzhugs pa sku gsung thugs kyi dkyil 'khor yongs rdzogs/ de'i lho phyogs rgya mtsho'i 'gram na ri bo po ta la zhes thugs rje chen po spyan ras gzigs kyi gnas/ nub phyogs na ayon mkha' 'gro'i gsang mdzod he ru kaHrang byung gi gtsug lag khang / byang phyogs na chos rgyal rigs ldan rim par byon nas 'gro ba rnams phyi nang gzhan gsum gyi sgo nas bkri bar mdzad pa'i gnas shambha la/ der ma zad kye rdor bde mchog sampu Ti mkha' 'gro rgya mtsho sogs las 'dzam bu gling dbus ma 'di nyid rang na yul nyer bzhi dang dur khrod brgyad sogs gnas sum cu rtsa gnyis yod par bshad cing / rma bya chen mo las/ yul 'khor lnga brgya/ ljongs chen po bcu drug /yul phran stong / gzhan yang mi rigs mi gcig pa sum brgya dang drug cu skad rigs bdun brgya nyi shu sogs mtha' klas pa'i nang tshan rgya bod gnyis su sku'i sprul pa rags pa tsam bshad pa bcu gsum las// ! dang po rnal 'byor dbang phyug ni/ thams cad mkhyen pa mkhyen brtse'i zhabs kyi gsang ba'i rnam thar las/ nub