[A:405]'jig rten khams 'di so so dag la slar yang khor yug ri bo chen po dag ni kun nas so/ /de yi dbus su las kyi sa ni chen po dag gi rang bzhin 'jig rten khams su rab tu 'gyur/ /lhag ma longs spyod rang bzhin yul gyi bde ba byed pa rin cen kun gyis rab tu gang ba rnams/ /zhes phyi nang sbyar ba'i phyi rol gyi 'gro ba'i las snang gis ri rab dbyibs tshul mngon pa dang dus kyi 'khor lo tha dad pa'i lugs phyi ma ltar rdo rje'i rwa'i 'og na yod pa'i gling drug ni longs spyod kyi sa dang de'i phyi rol gling bzhi gling phran brgyad la bdun pa las kyi sa zhes bshad cing / dza na skye ba la'o zhes pa'i byings bzhag /na'i a brjod don yin pas phyis/ buka? rkyen du byin/ ka la yan bzhin yang ste ya la brjod pa bor ba'o zhes ka phyis/ rnam dbye dang po'i gcig tshig si byin/ mi zad pa la si dbyi'o zhes si phyis/ de'i sde pa la sde pa'i mtha' 'os/ na ma ru bsgyur/ gsal byed dbyangs med pa pha rol gyi yi ger drang ngo / /zhes bsgrubs pas dzambu ni lus can skye ba'i gnas yin la/ bye brag 'dzam gling chung ngu ni bde mchog mkha' 'gro rgya mtsho'i rgyud kyi le'u dang po las/ 'dzam bu gling ni chen po yi/ /dum bu bcu gnyis kyi ni dbus/ /zhes pa'i lho phyogs dzambu tri shas mtshan pa'i gling 'di nyid kyi lte ba ma dhya ga ta dha ra/ tsandra par pr-i Sho dha ra la sogs pa rnams sos/ bsdu ba byas pas ma ga dha ste dbus 'gyur 'chang zhes dus gsum gyi bde bar gshegs pa rnams mngon par rdzogs par 'tshang rgya ba'i rten yin pas bskal mtha'i dus kyang gzhom gzhig mi nus pa rdo rje gdan