[A:407]cig dpal phug tu bzhugs khri'i steng na bla ma bzhugs gsung ngag bskyar nas gnang rgyu yin zer zhu mkhan mang po tshogs 'dug pa la bslab gsum pa gsal po 'dug gzhan ngo shes pa mi 'dug /khog phug yin snyam pa'i dpe cha zhig gi lung mdzad byung ba na/ thod phu'i blo gsal rgya mtsho de birWa pa lags sam zer ba zhig 'dug pa la don 'di ga yin te tshig 'di cung zad sdeb ma shes 'dug gsung / bdag gi thod phu'i rnal 'byor dbang phyug de/ da lta'i blo gsal rgya mtsho yin zhes byas na bde ba 'dra zhus pas de ga bris pas yong gsung / de nas gzhung bshad cig kyang 'go tshugs snang gsum yang tshugs byung nas na ning gi zin bris la zhus dag byed dgos snyam pa dang gnyid sad/ bsams pas thod phur byon pa'i rje gha ya dha ra rnal 'byor dbang phyug gi thugs kyi sprul par mnal lam bka' rgya ma las bshad/ de dang pha bla ma thugs rgyud gcig pa'i brda ru 'dug snyam pa byung gsungs pa khungs shin tu che bas slob dpon 'di rdo rje gdan gyi shar phyogs bi Sha na sman gyi dbang po'i grong khyer na rgyal po gser gyi 'khor lo'i sras su sku bltams par mtshan mkhan gyis mthu stobs kyi sgo nas bstan pa gsal bar 'gyur zhes lung bstan nas mtshan dngul gyi 'khor lor gsol/ so ma pU rir mkhan po dul ba'i lha la rab tu byung rig pa'i gnas lnga la sbyangs/ nA landar mkhan po chos kyi bshes gnyen la bsnyen par rdzogs shing theg pa che chung gi chos mtha' klas pa dang khyad par rnal 'byor gsang mtha' 'khor lo sdom pa gsan/ gnas brtan dpal ldan chos skyong