[A:468]ma dam pa 'di'i zhabs pad yun du bsnyen pa'i ched du don med kyi g.yeng ba'i 'du 'dzi thams cad rgyang du bsrings/ bgrang bya du mar bag phab ste bzhugs nas dam pa'i chos kyi bka' drin nod pa ni/ 'jig rten gyi mig gcig pu 'brog mis 'phags pa'i yul du paN grub shrI lendra ru tsi'am slob dpon mi thub zla bar grags pa la rtsa ba med pa'i lam 'bras shig gsan zhing yongs su grags pa mu gu lung du paN chen gha ya dha ra la rdzogs par zhus te rim gyis 'phel bar bka' srol mi 'dra ba bco brgyad tsam byung zer yang / gtso bor gyur pa rje btsun sa skya pa chen por bka' babs pa yin la/ de la'ang tshogs bshad ngor rdzong gong dkar ba gsum la dar rgyas che na'ang rjes 'brang gi mkhas grub phal cher gyi mig dang rna ba'i spyod yul du ma gyur pa gsang ba las kyang ches gsang ba bdag chen rdo rje 'chang gis yab 'jam dbyangs chen po dang / rdo rje 'chang kun dga' bzang pos 'khor lo sdom pa dkon cog rgyal mtshan kho nar stsal ba chu bo gnyis 'dres kyi tshul du thugs kyi bum pa gtams pa las nye bar 'ongs pa snyan brgyud slob bshad kyi nyams 'khrid zab mo lan grangs gsum gyi bar du smin rgyas su gsan pa'i cha lag dpal kye rdo rje'i rgyu dus kyi dbang / bdag med lha mo bco lnga'i dbang / de'i sindhU ra'i byin rlabs lam dus kyi dbang / lam sbas bshad byin rlabs 'khrid dang bcas pa/ gsang ba'i lam zab 'khrid dang bcas pa/ nang gi lam zab lus dkyil la rnal 'byor dbang phyug gi thun mong dang thun mong ma yin pa'i