[A:569]byin rlabs/ bla ma rin 'byung dang tshar gsum khug pa'i byin rlabs/ brda chig brgyud/ gsang bcu'i rgyas btab/ sgrub pa lung sbyin sogs lam 'bras la brten pa'i dbang byin rlabs nyi shu/ de dag gi rgyab chos su gsung ngag bla ma brgyud pa'i rnam thar/ gsung ngag gi glegs bam gnyis/ gzhan yang dbang gi chu bo chen po sogs rje btsun gong ma'i gsung mang po dang rje rdo rje 'chang chen po yab sras gnyis dang bdag chen rdo rje 'chang chen pos mdzad pa'i yi ge sogs rje nyid la gang bzhugs pa thams cad bum pa gang byo'i tshul du gsan pa yang / deng sang khyi dang glo ba lta bur thug phrad byed pa'i lugs dang ye mi 'dra bar bla ma la yun ring po nas gsol ba btab/ gser gyi maNDal dang mkha' 'gro lnga mnyes par byed pa'i tshogs kyi 'khor lo rgya cher bskor ba snyan brgyud dang po'i rten 'brel/ so so'i thad du nges par dgos pa'i dbang byin rlabs lung rnams tshang bar gnang ba snyan brgyud gnyis pa'i rten 'brel/ snang gsum nas bzung dbang bzhi pa'i bar gyi 'khrid rnams bla mas kyang dmar 'khrid du bstan slob mas kyang rgyud la myong thon ma byung gi bar bsgoms pa snyan brgyud gsum pa'i rten 'brel/ de la brten nas snyan brgyud bzhi pa'i rten 'brel bla ma la rdo rje 'chang dngos kyi mos gus skyes shing sgro 'dogs thams cad cig car du chod/ /nyams dang rtogs pa'i mtsho rdol rten 'brel thams cad rang 'grig tu gyur pas mos gus gzhon nu'i bde ba lta bus thugs rgyud tshim pas tshad ma bzhi dang snyan brgyud bzhi'i bdag