[A:467]sku zhabs su btang ba'i tshe ras yug dkar po sne tshang ba'i mjal dar phul/ chos rje'i drung phebs lam la 'o mi brgyal zhing bde bar byon pa bka' drin che gsungs/ sngon nas zhal mjal zhing thugs mos che ba'i steng bshes springs las/ rdo thal gyis byugs dgung zla'i 'od kyis ni/ /ches dkar nyid du ci ste mi bgyid lags/ /zhes snga rabs kyang ches cher lhag pa'i thugs mos 'khrungs bkra shis lhun po'i khron pa kha'i gnas tshul zhus nas dpe de gzigs phul bas bzhad mo mdzad pa dang sbrags pa~X'i mkha' spyod mas gdan 'dren la phyin gda' ba glegs bam 'di'ang de'i chos skor yin/ da re zhig dpe khrod du skyol mdzod gsungs pa bzhin phyag dpe'i khrod du skyel bar phebs pas dpe rags brtsigs pa'i gseb nas dpe de gton shul har re 'dug pa der bcug pas khrig 'grig song bas dad pa dang ngo mtshar dpe gang gis kyang mtshon du med pa thob pa'i gsung sgros gnang ba lam yig tu lar 'di skor gyi gtam mang po zhig yod kyang gsang ba'i don du mngon/ phyi ltar du zhing skyong dbang po mngon sum du bzhugs pa'i dben gnas kha'u brag rdzong gi rnal 'byor spyod pa'i 'dus sde rnams mdzes pa'i rgyan/ nang ltar du lha sngags ye shes kyi nus pas rdo rje'i chos skyong mtha' dag bran du 'khol ba'i mthu stobs kyi gad brgyangs srid rtse'i bar du sgrog pa'i dpa' bo/ /gsang ba ltar na bde stong zung du 'jug pa'i sgyu ma'i gar gyis dkyil 'khor rgya mtsho spro ba dang bsdu ba'i byed po khyab bdag rdo rje sems dpa' dngos dpal ldan bla