[A:632]du spyan drangs pa'i ye shes phyir 'brang gi bgegs skrod 'jam dpal zhal dgu par langs te byas pas bdud rigs kyi tshogs thams cad byer zhing der tshogs pa kun kyang spu zing byed pa mang dag byung 'dug /mchod stegs su phebs pa dang mchod pa dang sku khrus 'bul ba sogs rgyas par byas/ panytsa li ka snam sbyar gyi grwa sbubs nas gnyis med kyi ye shes la kha dog med kyang bdud rtsi shel dkar gyi gong bu gcig tu byas pa tshul khrims kyi phung po gong 'phel dang dri bsung phyogs bcur 'phro ba'i spos dkar gyi rdog ma bdag gi pang du gnang byung bas sgrib med ye shes kyi thugs rje rgyun chad mi mnga' lags so/ /de ltar rgyu rin po che gser las grub pa'i gnod sbyin pho mo'i 'khor lo sgrub pa zla ba tsam byas rgyud nas ji skad bshad pa ltar bzhugs su gsol/ mthar rab tu gnas pa rgyud sde nas gsungs pa ltar mtshan nyid tshang ba'i sgo nas zhag gsum sbrel zhig byas/ sgrub po sbyin bdag dang bcas pa'i tshe dang bsod nams dpal 'byor gyi rgyun thams cad gong 'phel du 'gro ba'i phyir rgyas pa'i sbyin sreg thun mong min pa'i phyag len gyis brgyan nas byas/ zhes byung la/ gser gdung rin po che'i dbu thog tu gnam rgyan/ snyan dar/ ting kang bu maNDal me dam sogs mchod rdzas kyi rim pa rgya dpangs mtho ba/ gdung rten gyi g.yas su rje bla mas bzheng pa mdzad pa'i lam zab dang g.yon du dgongs rdzogs la dmigs pa'i lam 'bras brgyud pa dang bcas pa bla ma so so'i sku mdun du zhal dkar/ bzed zhal/ zhal bsil/ DA dril/ dbang bum/ 'bru phor/ nang mchod ka li sogs nyer spyad phun sum tshogs pa/ bstan pa'i sbyin bdag 'dar nas kyis zhing dang nas rtsa sbyar ba'i gser gdung rin po che'i drung du